ନିଅନ୍ (ସୁଇଜରଲାଣ୍ଡ), ୨ା୧୨ (ଏପି)-ଷ୍ଟିଫାନି ଫ୍ରାପାର୍ଟ ପ୍ରଥମ ମହିଳା ରେଫରି ଭାବେ ପୁରୁଷ ଚାମ୍ପିୟନ୍ସ ଲିଗ୍ର ଏକ ମ୍ୟାଚ ପରିଚାଳନା କରିବାକୁ ଯାଉଛନ୍ତି। ୟୁନିୟନ ଅଫ୍ ୟୁରୋପିଆନ୍ ଫୁଟ୍ବଲ ଆସୋସିଏଶନ୍ସ (ୟୁଫା) ତରଫରୁ ମଙ୍ଗଳବାର ତାଙ୍କୁ ନିଯୁକ୍ତି ଦିଆଯାଇଛି। ଏହି ଫ୍ରେଞ୍ଚ୍ ଅଫିସିଆଲ ଜଣକ ବୁଧବାର ଜୁଭେଣ୍ଟସ ଏବଂ ଡାଇନାମୋ କିଭ୍ସ ମଧ୍ୟରେ ହେବାକୁଥିବା ମ୍ୟାଚ ପରିଚାଳନା କରିବେ। ମହିଳା ପୁଟ୍ବଲରେ ଫ୍ରାପାର୍ଟଙ୍କୁ ଜଣେ ଟପ୍ ରେଫରି ବିବେଚନା କରାଯାଏ। ବିଶ୍ୱ ଫୁଟ୍ବଲ ପରିଚାଳନା ସଂସ୍ଥା(ଫିଫା) ମହିଳା ବିଶ୍ୱକପ୍ ୨୦୧୯ ଫାଇନାଲ ପାଇଁ ତାଙ୍କୁ ରେଫରି ଦାୟିତ୍ୱ ପ୍ରଦାନ କରିଥିଲ ା। ମ୍ୟାଚବେଳେ ଏକ ଭିଡିଓ ରିଭ୍ୟୁ ପରେ ସେ ଏକ ପେନାଲ୍ଟି ଦେଇଥିଲେ। ମୋଗାନ ରାପିନୋ ଗୋଲ୍ ସ୍କୋର କରିବାରୁ ନେଦରଲାଣ୍ଡ୍ସ ବିପକ୍ଷରେ ଯୁକ୍ତରାଷ୍ଟ୍ର ଆମେରିକା ୨-୦ ଗୋଲରେ ବିଜୟ ଲାଭ କରିଥିଲା। ଟୁର୍ନାମେଣ୍ଟର କିଛି ସପ୍ତାହ ପୂର୍ବରୁ ଫ୍ରାପାର୍ଟ ପ୍ରଥମ ମହିଳା ରେଫରି ଭାବେ ଫ୍ରେଞ୍ଚ୍ ପୁରୁଷ ଟପ୍ ଟିଇର ଲିଗ୍ର ଏକ ମ୍ୟାଚ ପରିଚାଳନା କରିଥିଲେ। ୟୁଫା ପାଇଁ ସେ ପ୍ରଥମ ପୁରୁଷ ଗେମ୍ ପରିଚାଳନା କରିଥିଲେ ୨୦୧୯ ସୁପର କପ୍ରେ। ଲିଭରପୁଲ୍ ଓ ଚେଲ୍୍ସି ମଧ୍ୟରେ ଏହି ମ୍ୟାଚ ଖେଳାଯାଇଥିଲା। ଅକ୍ଟୋବରରେ ସେ ପ୍ରଥମଥର ଏକ ୟୁରୋପା ଲିଗ୍ ମ୍ୟାଚରେ ରେଫରି ଦାୟିତ୍ୱ ତୁଲାଇଥିଲେ।