ଆଚାର୍ଯ୍ୟ ଚାଣକ୍ୟ ତାଙ୍କର ନୀତିଶାସ୍ତ୍ରରେ ଜୀବନକୁ ସଫଳ କରିବା ସହ ଲକ୍ଷ୍ୟ ହାସଲ କରିବାକୁ ନେଇ ଅନେକ ଉପାୟ ବିଷୟରେ ବର୍ଣ୍ଣନା କରିଛନ୍ତି। ମନୁଷ୍ୟର ଖରାପ ସମୟ ଆସିବା ପୂର୍ବରୁ ଘରେ କିଛି ବିଶେଷ ସଙ୍କେତ ଦେଖିବାକୁ ମିଳିଥାଏ। ଏହି ଖରାପ ସମୟ ଆର୍ଥିକ ସ୍ଥିତି ଏବଂ ଦାମ୍ପତ୍ୟ ଜୀବନ ଉଭୟ ପାଇଁ ବିପଦଜନକ ସାବ୍ୟସ୍ତ ହୋଥାଏ। ଏଥିଲାଗି ଏସବୁ ସଙ୍କେତକୁ ବୁଝି ସ୍ଥିତିକୁ ନିୟନ୍ତ୍ରଣ କରିବାର ଉପାୟ ଉପରେ ବିଚାର କରିବା ବହୁତ ଆବଶ୍ୟକ।
ତୁଳସୀ ଗଛ ଶୁଖିବା: ଚାଣକ୍ୟ ନୀତି ଅନୁଯାୟୀ ଯଦି ଆମ ଘର ଅଥବା ଅଗଣାରେ ଲାଗିଥିବା ତୁଳସୀ ଗଛ ଶୁଖିବାରେ ଲାଗେ ତେବେ ବୁଝି ଯିବେ ଯେ କିଛି ଖରାପ ଘଟିବାକୁ ଯାଉଛି। ଘରେ ଆର୍ଥିକ ସ୍ଥିତି ବିଗିଡ଼ିିବାର ଲକ୍ଷଣ ଦିଏ। ଏହା ଦେଖିବା ପରିବର୍ତ୍ତେ ଏହା ଉପରେ ବିଚାର କରନ୍ତୁ।
କାଚ ଭାଙ୍ଗିବା: ଯଦି ତୁମ ଘରେ ବାରମ୍ବାର କାଚ ଭାଙ୍ଗି ଥାଏ ତେବେ ଏହା ବହୁତ ଖରାପ ସଙ୍କେତ। ଏହା ବଡ଼ ସମସ୍ୟା ଆସିବାର ସଙ୍କେତ। ଏଥିଲାଗି ଘରେ ଭଙ୍ଗା କାଚ ଥିଲେ ତାକୁ ଶୀଘ୍ର କାଢ଼ି ନିଅନ୍ତୁ।
କାନ୍ଥ ଓଦା ହେଉଥିଲେ: ଯଦି ତୁମ ଘର କାନ୍ଥ ସବୁବେଳେ ଓଦା ହେଉଛି। ରଙ୍ଗ କରିବା ପରେ ବି କାନ୍ଥରେ ଆଦ୍ରତା ରହୁଛି ତେବେ କିଛି ଗଡ଼ବଡ଼ ହେଉଛି ବୋଲି ଜାଣିନେବ। ଏହାଛଡ଼ା ଘରେ ବୁଢ଼ିଆଣୀ ଜାଲ ଥିଲେ ତାକୁ ବାହାର କରି ନିଅନ୍ତୁ। ଏହାଦ୍ୱାରା ଘରର ଉନ୍ନତିରେ ବାଧା ସୃଷ୍ଟି ହୋଇଥାଏ। ଏଣୁ ଏହାକୁ ଦୂର କରିବାକୁ ଚେଷ୍ଟା କରିଥାନ୍ତୁ।
ଝଗଡ଼ା ଏବଂ ଚିନ୍ତା: ଚାଣକ୍ୟ କୁହନ୍ତି ଯଦି କାହା ଘରେ ଦିନରାତି ଝଗଡ଼ା ହୋଇଥାଏ ଏବଂ ଚିନ୍ତାର ବାତାବରଣ ଥାଏ ତେବେ ବୁଝିଯାଆନ୍ତୁ ଯେ ଘର ବରବାଦ ହେବା ରାସ୍ତାରେ ରହିଛି। ଏମିତି ଘରେ ଲକ୍ଷ୍ମୀ-କୁବେର ବାସ କରି ନ ଥାନ୍ତି। ଫଳରେ ଲୋକ ସବୁବେଳେ ଚିନ୍ତାରେ ରହିଥାଏ।
ପୂଜାପାଠ ନ କରିବା: ଯେଉଁ ଘରେ ଲୋକ ଭଗବାନଙ୍କ ଉପାସନା ଅଥବା ପୂଜାପାଠ କରି ନ ଥାନ୍ତି, ସେ ଘରେ ସୁଖସମୃଦ୍ଧି କେବେ ନ ଥାଏ। ଚାଣକ୍ୟ କୁହନ୍ତି, ଆମକୁ ପ୍ରତିଦିନ ସୂର୍ଯ୍ୟାସ୍ତ ପୂର୍ବରୁ ଏବଂ ପରେ ଈଶ୍ୱରଙ୍କ ଭକ୍ତି କରିବା ଉଚିତ। ବିଶେଷକରି ଆର୍ଥିକ ଉନ୍ନତି ପାଇଁ ଲକ୍ଷ୍ମୀଙ୍କୁ ନିୟମିତ ପୂଜା କରନ୍ତୁ।
