ଜଣେ ମହାନ ଅର୍ଥନୀତିଜ୍ଞ ତଥା ରାଜନେତା ଭାବେ ବିବେଚିତ ଆଚାର୍ଯ୍ୟ ଚାଣକ୍ୟ ଜୀବନ ସହ ଜଡିତ ଅନେକ କଥା ବିଷୟରେ ଗଭୀର ଅଧ୍ୟୟନ କରିଛନ୍ତି। ସେ ତାଙ୍କ ନୀତିଶାସ୍ତ୍ରରେ ଏହା ଉଲ୍ଲେଖ କରିଛନ୍ତି। ସେଥିରେ ଚାଣକ୍ୟ ନିଜ ବ୍ୟବସାୟ ସହ ଜଡିତ ସବୁ କଥାକୁ ଏହି ୫ ବ୍ୟକ୍ତିଙ୍କ ସହ ଶେୟାନ ନ କରିବା ପାଇଁ କହିଛନ୍ତି। ଜାଣିବା ସେହି ୫ ବ୍ୟକ୍ତି କିଏ।
– ଆଚାର୍ଯ୍ୟ ଚାଣକ୍ୟ କହିଛନ୍ତି, ସମାନ ବ୍ୟବସାୟ ବ୍ୟକ୍ତିଙ୍କ ସହ ନିଜ ବ୍ୟବସାୟ ବିଷୟରେ କିଛି ବି କହିବା ଉଚିତ ନୁହେଁ। କାରଣ ଏପରି କରିବା ଦ୍ୱାରା ଭବିଷ୍ୟତରେ ସେମାନେ ଆଣଙ୍କର କ୍ଷତି କରିପାରନ୍ତି। ଏପରି ଲୋକମାନେ କେବଳ ନାମ ପାଇଁ ସମ୍ପର୍କ ରଖିଥାନ୍ତି ବୋଲି ଚାଣକ୍ୟ କହିଛନ୍ତି।
– ଯେଉଁ ସ୍ତ୍ରୀ ଲୋଭୀ ପ୍ରବୃତିର ତାଙ୍କୁ ନିଜ ବ୍ୟବସାୟ ବିଷୟରେ କିଛି ବି କହିବା ଅନୁଚିତ୍। କାରଣ ଏହି ମହିଳାମାନେ ନିଜ କଥାକୁ ଅନ୍ୟମାନଙ୍କ ସମ୍ମୁଖରେ ପ୍ରକାଶ କରିବାକୁ ଭଲ ପାଆନ୍ତି।
– ଘରେ କିମ୍ବା ଅଫିସରେ ଯେଉଁମାନେ ଛୋଟ ପୋଷ୍ଟରେ ରହି କାମ କରୁଛନ୍ତି ସେମାନଙ୍କୁ ନିଜ ବ୍ୟବସାୟ ବିଷୟରେ କିଛି କହିବା ଅନୁଚିତ୍। କାରଣ ଏହି ଲୋକ ଆପଣଙ୍କ ବ୍ୟବସାୟ ବିଷୟରେ ସବୁକିଛି ଅନ୍ୟକୁ କହିଦେଇ ପାରନ୍ତି ବୋଲି ଚାଣକ୍ୟ କହିଛନ୍ତି।
-ଚାଣକ୍ୟଙ୍କ କହିବା ଅନୁଯାୟୀ, ଜଣେ ସରଳିଆ ବନ୍ଧୁକୁ ନିଜ ବ୍ୟବସାୟ ବିଷୟରେ କିଛି କୁହନ୍ତୁ ନାହିଁ। କାରଣ ସେପରି ବ୍ୟକ୍ତିଙ୍କଠାରୁ ଯେ କେହିବି ଆପଣଙ୍କ ବ୍ୟବସାୟ ବିଷୟରେ ପଚାରି କଥା ହାସିଲ କରିପାରିବେ।
– ଈର୍ଷାପରାୟଣ ବ୍ୟକ୍ତିଙ୍କ ସହ ନିଜ ବିଷୟରେ ଆଦୌ ହେଲେ କିଛି ଶେୟାର କରନ୍ତୁ ନାହିଁ। ଏହି ଲୋକଙ୍କ ସହ ନିଜ ବ୍ୟବସାୟର ସଫଳତା ବିଷୟରେ ମଧ୍ୟ କଥା ହୁଅନ୍ତୁ ନାହିଁ ବୋଲି ଚାଣକ୍ୟ କହିଛନ୍ତି।