ଆଚାର୍ଯ୍ୟ ଚାଣକ୍ୟ ତାଙ୍କ ନୀତି ଶ୍ଲୋକ ମାଧ୍ୟମାର ମନୁଷ୍ୟ ଜୀବନ ସହ ଜଡିତ ବିଭିନ୍ନ ସମସ୍ୟା ଓ ତାର ସମାଧାନ ବିଷୟରେ ବର୍ଣ୍ଣନା କରିଛନ୍ତି। ଯାହାକୁ ଗ୍ରହଣକରି ଜଣେ ଖୁସିରେ ଜୀବନ ଅତିବାହିତ କରିପାରିବ।
ସେ ତାଙ୍କର ଏକ ନୀତି ଶ୍ଲୋକରେ ୪ଟି ଜିନିଷ ବିଷୟରେ କହିଛନ୍ତି। ଏହି ୪ ଜିନିଷ ଯେତେ ଥିଲେ ବି କମ୍ ମନେ ହୋଇଥାଏ। ଜାଣିବା ସେ ବିଷୟରେ…
୧. ଧନ: ଜଣେ ବ୍ୟକ୍ତି ପାଖରେ ଯେତେ ଧନ ଥାଉନା କାହିଁକି ସେଥିରେ ସେ କେବେ ହେଲେ ସନ୍ତୁଷ୍ଟ ହୋଇ ନ ଥାଏ। ପର୍ଯ୍ୟାପ୍ତ ଧନ ଥିବା ସତ୍ତ୍ୱେ ମଧ୍ୟ ଆହୁରି ଅଧିକ ଧନ ପାଇଁ ସେ ଲୋଭ କରିଥାଏ। ଏହି ଲୋଭ ବ୍ୟକ୍ତିକୁ ବେଳ ବେଳେ ଭୁଲ ରାସ୍ତାକୁ ମଧ୍ୟ ନେଇଯାଇଥାଏ। ତେଣୁ ପାଖରେ ଯେତିକି ଧନ ଅଛି ସେତିକିରେ ସନ୍ତୁଷ୍ଟ ହେବା ଉଚିତ୍ ବୋଲି ଚାଣକ୍ୟ କହିଛନ୍ତି।
୨. ଜୀବନ: ପ୍ରତ୍ୟେକ ବ୍ୟକ୍ତିର ମୃତ୍ୟୁ ଶୁନିଶ୍ଚିତ। ଏ କଥା ସମସ୍ତେ ଜାଣିଛନ୍ତି। ଏହା ସତ୍ତ୍ୱେ ମଧ୍ୟ ଜୀନବ ପ୍ରତି ମନୁଷ୍ୟର ଲୋଭ କମ୍ ହୋଇ ନ ଥାଏ। ପ୍ରତ୍ୟେକ ବ୍ୟକ୍ତି ଅଧିକ ଦିନ ପର୍ଯ୍ୟନ୍ତ ବଞ୍ଚି ରହିବାକୁ ଚାହିଁଥାଏ।
୩. ସ୍ତ୍ରୀ: ଅଧିକାଂଶ ଲୋକ ନାରୀ ଲୋଭି ହୋଇଥାନ୍ତି। ଅର୍ଥାତ୍ ଗୋଟିଏ ସ୍ତ୍ରୀରେ ସେମାନେ ସନ୍ତୁଷ୍ଟ ହୋଇ ନ ଥାନ୍ତି। ଫଳରେ ସେମାନେ ଅନ୍ୟ ନାରୀ ପ୍ରତି ଆସକ୍ତ ହୋଇ ଭୁଲ କାମ କରିବାକୁ ପଛାନ୍ତି ନାହିଁ। ତେବେ ଅନେକ ମହିଳାଙ୍କ ସହ ସମ୍ପର୍କ ସମସ୍ୟା ସୃଷ୍ଟି କରିଥାଏ।
୪. ସ୍ବାଦିଷ୍ଟ ଭୋଜନ: ଜଣେ ବ୍ୟକ୍ତି ଯେତିକି ହଜମ କରିପାରିବ ସେତିକି ଖାଇବା ଉଚିତ୍। ଏହା ଦ୍ୱାରା କିଛି କ୍ଷତି ହୋଇ ନ ଥାଏ। ମାତ୍ର ଏମିତି କିଛି ଲୋକ ଅଛନ୍ତି, ଯିଏକି ଖାଇବା ପାଇଁ ବଞ୍ଚିଥାନ୍ତି। ପ୍ରତିଦିନ ନୂଆ ନୂଆ ଖାଦ୍ୟ ଖାଇଲେ ମଧ୍ୟ ତାଙ୍କର ମନ ସନ୍ତୁଷ୍ଟ ହୋଇ ନ ଥାଏ। ଭବିଷ୍ୟତରେ ଏହି ଲୋକମାନେ ଅନେକ ପ୍ରକାର ସମସ୍ୟାର ସମ୍ମୁଖୀନ ହୋଇଥାନ୍ତି।