ଆଚାର୍ଯ୍ୟ ଚାଣକ୍ୟଙ୍କ ନୀତି ଆଜି ବି ଲୋକମାନଙ୍କ ମଧ୍ୟରେ ପ୍ରଚଳିତ। କୁହାଯାଏ ଏହି ନୀତିକୁ ଗ୍ରହଣ କରୁଥିବା ଲୋକ ଜୀବନରେ ସବୁ ସୋପାନକୁ ସହଜରେ ପାର୍ କରିଥାଏ। ସେଥିରୁ ଗୋଟିଏ ନୀତିରେ ଚାଣକ୍ୟ ଏଭଳି ପାଞ୍ଚଟି ବିଷୟରେ ବର୍ଣ୍ଣନା କରିଛନ୍ତି ଯାହା ମନୁଷ୍ୟକୁ କଠିନ ପରିସ୍ଥିତିରେ ସହାୟକ ହୋଇଥାଏ। ଜାଣନ୍ତୁ:-
ବିଦ୍ୟା: ବିଦ୍ୟା ଅର୍ଥାତ ଜ୍ଞାନକୁ କେହି ଚୋରି କରି ନେଇପାରିବେ ନାହିଁ। ବିଦ୍ୟା ଅର୍ଜନ କରିବା କାମଧେନୁ ସମାନ। ବିପଦ ସମୟରେ ଏହା କାମରେ ଆସେ। ଏହା କଠିନ ପରିସ୍ଥିତିରୁ ମୁକୁଳିବାରେ ସହାୟକ ହୋଇଥାଏ। ଏହା ଗୁପ୍ତ ଧନ ବୋଲି ମଧ୍ୟ ଚାଣକ୍ୟ କୁହନ୍ତି।
ସୁସଙ୍ଗ: ଚାଣକ୍ୟ କୁହନ୍ତି, ସୁସଙ୍ଗରେ ରହୁଥିବା ମନୁଷ୍ୟ ବହୁତ ସୌଭାଗ୍ୟଶାଳୀ। ସେ ସବୁ ପରିସ୍ଥିତିକୁ ସାହସର ସହ ସାମ୍ନା କରିପାରେ। ଅସୁବିଧାରେ ପଡ଼ିଲେ ମଧ୍ୟ ସେ ନିଜର ନିୟନ୍ତ୍ରଣ ହରାଏ ନାହିଁ। ଏହି କାରଣରୁ ସୁଖ ଏବଂ ଶାନ୍ତି ସର୍ବଦା ବଜାୟ ରୁହେ।
ସୁସ୍ଥ ଶରୀର: ଚାଣକ୍ୟ କୁହନ୍ତି ସୁସ୍ଥ ଶରୀର ବିପରିତ ପରିସ୍ଥିତିରେ ମଧ୍ୟ କାମରେ ଆସେ। କାରଣ ଏହାଦ୍ୱାରା ସେ ନିଜର ବୁଦ୍ଧିକୁ ଠିକ୍ ଭାବେ ବ୍ୟବହାର କରିପାରିଥାଏ।
ଧନ ସଞ୍ଚୟ: ଚାଣକ୍ୟ କୁହନ୍ତି ଖରାପ ସମୟରେ ଧନ ସଞ୍ଚୟ କରିବା ବହୁତ ଜରୁରୀ। କାରଣ ବିପଦ ବେଳେ ସମସ୍ତେ ତୁମ ହାତ ଛାଡ଼ିଦେବେ ହେଲେ ଧନ ନୁହେଁ। ଏହା ସଚ୍ଚୋଟ ବନ୍ଧୁ ।
ଭଗବାନ: ବିପଦରେ ଯେତେବେଳେ ପୁଅ, ଝିଅ, ପରିବାରଲୋକେ ଏବଂ ସ୍ତ୍ରୀ ହାତ ଛାଡ଼ି ଦିଅନ୍ତି ସେତେବେଳେ କେବଳ ଭଗବାନ ହିଁ ତୁମର ରକ୍ଷା କରିପାରିବେ। ସେ ହିଁ ସାହାରା ପାଲଟିପାରିବେ। ଏଥିପାଇଁ ଚାଣକ୍ୟ କୁହନ୍ତି ବ୍ୟକ୍ତି ଭଗବାନଙ୍କ ଭକ୍ତି କରିବା ବନ୍ଦ କରିବା ଉଚିତ ନୁହେଁ।