ବଇଣ୍ଡା,୨୨ା୫(ଡି.ଏନ.ଏ.): କିଶୋରନଗର ବ୍ଲକ ହଣ୍ଡପା ପଞ୍ଚାୟତ ପାପସରା ଗ୍ରାମରେ ଶୁକ୍ରବାର ଚନ୍ଦନ ଯାତ୍ରା ଉଦ୍ଘାଟିତ ହୋଇଛି। ପ୍ରଥମେ ପ୍ରଭୁ ରାଧାକୃଷ୍ଣଙ୍କୁ ଏକ ପଟୁଆରେ ପୂଜାମଣ୍ଡପକୁ ଅଣାଯାଇଥିଲା। ସେଠାରେ ରୀତିନୀତି ଅନୁସାରେ ପୂଜା କରାଯିବା ପରେ ଶୋଭାଯାତ୍ରା ମାଧ୍ୟମରେ ଗ୍ରାମ ପରିକ୍ରମା କରାଯାଇଥିଲା। ଡିଜେ ସାଉଣ୍ଡ ସହ ଆଧୁନିକ ବାଜାରେ ଗାଁ ଦାଣ୍ଡ କମ୍ପିଉଠିଥିଲା। ଏହାପରେ ଚନ୍ଦନ ପୋଖରୀକୁ ନିଆଯାଇ ଚାପ ଖେଳାଯାଇଥିଲା। ଏହି ଯାତ୍ରାରେ ବିଭିନ୍ନ ଆତସବାଜି ଦେଖିବାକୁ ମିଳିଥିଲା। ସେହିପରି ଦର୍ଶକଙ୍କ ମନୋରଞ୍ଜନ ପାଇଁ ବିଭିନ୍ନ ପ୍ରକାର ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା। ବିଦ୍ୟୁତ୍ ବିଭାଗ ପକ୍ଷରୁ ଯାତ୍ରା ପଡିଆ ସାରା ଆଲୋକୀକରଣ କରାଯାଇଥିଲା। ଶାନ୍ତିଶୃଙ୍ଖଳା ପାଇଁ ହଣ୍ଡପା, ବଇଣ୍ଡା ଫାଣ୍ଡି ପୋଲିସ ସହ ୨ ପ୍ଲାଟୁନ ଫୋର୍ସ ମୁତୟନ ହୋଇଥିଲେ। କମିଟି ପକ୍ଷରୁ ବାଟି ପ୍ରଧାନ, ପୁରୀ ସାହୁ, ହରିହର ସାହୁ, ବୈରାଗୀ ସାହୁ, ବୃଷଭ ସାହୁ, ଜିତେନ୍ଦ୍ର ସାହୁ, ସୁରମଣି ନାୟକ ପ୍ରମୁଖ ସହଯୋଗ କରିଥିଲେ।