ଚାନ୍ଦବାଲି,୨୯।୮(ଅଶୋକ ପଣ୍ଡା): ରାଜ୍ୟ ସରକାରଙ୍କ ଦୁର୍ନୀତି ବିରୋଧରେ ଭାଜପା ଚାନ୍ଦବାଲି ଶାଖା ପକ୍ଷରୁ ଚାନ୍ଦବାଲି ସହରରେ ଏକ ଶୋଭାଯାତ୍ରା ସହ
ଏନ୍ଏସି କାର୍ଯ୍ୟାଳୟ ଆଗରେ ଗଣ ଧାରଣା ଦିଆଯାଇଛି । ଭାଜପା ଚାନ୍ଦବାଲି ନଗର ସଭାପତି ସରୋଜ ବଳଙ୍କ ଅଧ୍ୟକ୍ଷତାରେ ଦଳୀୟ କର୍ମୀଙ୍କ ଏକ ବିଶାଳ ଶୋଭାଯାତ୍ରା କାଳୀ ମନ୍ଦିର ନିକଟରୁ ବାହାରି ସହର ପରିକ୍ରମା କରିବା ପରେ ଏନ୍ଏସି କାର୍ଯ୍ୟାଳୟ ଆଗରେ ଗଣ ଧାରଣା ଦିଆଯାଇ ବିଜେଡିି ଶାସନର ଦୁର୍ନୀତି ଓ ଭ୍ରଷ୍ଟାଚାର ସମ୍ପର୍କରେ ସ୍ଲୋଗାନ କରି ରାଜ୍ୟ ସରକାରଙ୍କ ଉପରେ ବର୍ଷିଥିଲେ । ପୂର୍ଣ୍ଣଚନ୍ଦ୍ର ପାଣି, କମଳାକାନ୍ତ ସୂତାର, ଉପେନ୍ଦ୍ର ରାଉଳ, କାଉନସିଲର ଚନ୍ଦନ ରାଉତ, ଶୀତମହାଳିକ, ବିଷ୍ଣୁ ଦାସ, ସନ୍ତୋଷ ବାରିକ, ବିଶ୍ୱନାଥ ସୂତାର, ଅନୁପ ଜେନା, ରମାକାନ୍ତ ନାୟକ ପ୍ରମୁଖଙ୍କ ସହ ବହୁ ନେତା ଓ କର୍ମୀ ଯୋଗ ଦେଇଥିଲେ।
