ହରିୟାଣାର ପାନିପତ ରିସପୁର ଗ୍ରାମର ଏକ ଅଭାବନୀୟ ଘଟଣା ସାମ୍ନାକୁ ଆସିଛି। ଗ୍ରାମର ଜଣେ ବ୍ୟକ୍ତି ସ୍ତ୍ରୀଙ୍କ ଉପରେ ମାନସିକ ଭାବେ ବିରକ୍ତ ହୋଇ ତାଙ୍କୁ ପ୍ରାୟ ଦେଢ଼ ବର୍ଷ ହେବ ଶୌଚାଳୟରେ ବନ୍ଦକରି ରଖିଥିଲେ। କୌଣସି ପ୍ରକାରେ ଖବର ପାଇ ମହିଳା ସୁରକ୍ଷା ଏବଂ ଶିଶୁ ବିକାଶ ଅଧିକାରୀ ସଦଳବଳେ ପହଞ୍ଚି ମହିଳାଙ୍କୁ ଉଦ୍ଧାର କରିଛନ୍ତି। ଏହି ସମୟରେ ମହିଳାଙ୍କ ପୁରା ଶରୀରରେ ମଳ-ମୂତ୍ର ଲାଗିଥିଲା। ତାଙ୍କ ଅବସ୍ଥା ଏତେ ଖରାପ ହୋଇଯାଇଥିଲା ଯେ, ଚାଲିବାକୁ ମଧ୍ୟ ସେ ସକ୍ଷମ ନ ଥିଲେ। ସନୋଲି ଥାନା ପୋଲିସ ଅଭିଯୁକ୍ତ ସ୍ବାମୀଙ୍କୁ ଗିରଫ କରିବା ସହ ପଚରାଉଚରା ଜାରି ରଖିଛି।
ଏ ନେଇ ମହିଳା ସୁରକ୍ଷା ଓ ଶିଶୁ ନିଷେକ ଅଧିକାରୀ ରଜନୀ ଗୁପ୍ତା କହିଛନ୍ତି, ୧୭ ବର୍ଷ ପୂର୍ବେ ଉକ୍ତ ମହିଳା ବିବାହ କରିଥିଲେ। ତାଙ୍କର ୧୫ ବର୍ଷର ଝିଅ, ୧୧ ଓ ୧୩ ବର୍ଷର ୨ ପୁଅ ଅଛନ୍ତି। ତେବେ ଆଶ୍ଚର୍ଯ୍ୟର କଥା ହେଲା ବାପା ପିଲାମାନଙ୍କ ସାମ୍ନାରେ ମା’ଙ୍କୁ ପିଟୁଥିଲେ। ଭୋକ ଉପାସରେ ଶୌଚାଳୟରେ ବନ୍ଦକରି ରଖିଥିଲେ। ହେଲେ ପିଲାମାନେ ଏହାର ବିରୋଧ କରି ନ ଥିଲେ। କେବେ କାହାକୁ କିଛି କହି ନ ଥିବା ମଧ୍ୟ ସେ କହିଛନ୍ତି।
