ବଲିଉଡ ଅଭିନେତ୍ରୀ କଙ୍ଗନା ରାନାୱତଙ୍କ ଅଭିନୀତ ବହୁପ୍ରତିକ୍ଷୀତ ଫିଲ୍ମ ଚନ୍ଦ୍ରମୁଖୀ-୨ର ଟ୍ରେଲର ରିଲିଜ୍ ହୋଇଛି। ଟ୍ରେଲରରେ କଙ୍ଗନା ତାଙ୍କର ତୀକ୍ଷ୍ଣ ମନୋଭାବରେ ନଜର ଆସିଛନ୍ତି। ଚେନ୍ନାଇରେ କଙ୍ଗନା ଏବଂ ରାଘଭା ଲରେନ୍ସଙ୍କ ‘ଚନ୍ଦ୍ରମୁଖୀ ୨’ର ଟ୍ରେଲର ରିଲିଜ୍ ହୋଇଥିଲା। ଫିଲ୍ମରେ ମୁଖ୍ୟ ଭୂମିକାରେ କଙ୍ଗନା ବହୁତ ସୁନ୍ଦର ଦେଖାଯାଉଛନ୍ତି। ସେ ଭେଟ୍ଟାୟାନ ରାଜାଙ୍କ ଦରବାରରେ ଜଣେ ନୃତ୍ୟଶିଳ୍ପୀ ଭୂମିକାରେ ଅଭିନୟ କରୁଛନ୍ତି। ଯିଏ ନିଜର ସୌନ୍ଦର୍ଯ୍ୟ ଏବଂ ନୃତ୍ୟ ଦକ୍ଷତା ପାଇଁ ରାଜ ଦରବାରରେ ପରିଚିତ। ‘ଚନ୍ଦ୍ରମୁଖୀ ୨’ରୁ ଅଭିନେତ୍ରୀଙ୍କ ପ୍ରଥମ ଲୁକ ଅଗଷ୍ଟ ୫ରେ ମୁକ୍ତିଲାଭ କରିଥିଲା। ଦର୍ଶକ କଙ୍ଗନାଙ୍କ ଚନ୍ଦ୍ରମୁଖୀ ଲୁକ୍କୁ ବହୁତ ପସନ୍ଦ କରିଥିଲେ।
ଏହି ଚଳଚ୍ଚିତ୍ରରେ କଙ୍ଗନା ବ୍ୟତୀତ ରାଧିକା ଶରଥକୁମାର, ଭାଦିଭେଲୁ, ଲକ୍ଷ୍ମୀ ମେନନ, ମହିମା ନାମ୍ବିଆର୍, ସୃଷ୍ଟି ଡାଙ୍ଗେ, ରବି ମାରିଆ ଏବଂ ସୁରେଶ ମେନନ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ଅଛନ୍ତି।
