କନ୍ନୌଜ,୩୦।୧୧: ଉତ୍ତର ପ୍ରଦେଶର କନ୍ନୌଜରେ ଭୀମ ଆର୍ମି ମୁଖ୍ୟ ଚନ୍ଦ୍ରଶେଖର ଆଜାଦଙ୍କ ଦଳ ଆଜାଦ ସମାଜ ପାର୍ଟିର ସାଧାରଣ ସମ୍ପାଦକଙ୍କୁ ଅତି ନିର୍ମମ ଭାବେ ହତ୍ୟା କରାଯାଇଛି। ଏହି ଘଟଣା ତାଲଗ୍ରାମ ପୋଲିସ ଷ୍ଟେଶନ ପରିସରର ଜୟସିଂହପୁର ଗ୍ରାମରେ ଘଟିଥିଲା ଏବଂ ଗୁଳି ଶବ୍ଦରେ ଗାଁ କମ୍ପି ଉଠିଥିଲା। ଘରେ ପଶି ଏହି ଘଟଣା ଘଟାଇଛନ୍ତି। ଅଭିଯୋଗ ହୋଇଛି ଯେ ଘଟଣାର ଖବର ପାଇବା ପରେ ପୋଲିସ ବହୁ ବିଳମ୍ବରେ ପହଞ୍ଚିଥିଲା, ଅଭିଯୁକ୍ତ ଘଟଣା ଘଟାଇବା ପରେ ଘଟଣାସ୍ଥଳରୁ ପଳାଇ ଯାଇଥିଲାା
ଏହି ଗୁଳି ବିନିମୟରେ ଅନେକ ଲୋକ ଆହତ ହୋଇଛନ୍ତି ଏବଂ ଗାଁରେ ଉତ୍ତେଜନା ଦେଖାଦେଇଛି। ଏହି ଘଟଣା ପରେ ବହୁ ପରିମାଣରେ ପୋଲିସ ଫୋର୍ସ ଘଟଣାସ୍ଥଳରେ ପହଞ୍ଚିଛନ୍ତି। ସୋସିଆଲ ମିଡିଆ ପ୍ଲାଟଫର୍ମରେ ଏହି ଘଟଣା ବିଷୟରେ ସୂଚନା ଦେଇ ପୋଲିସ କହିଛି ଯେ ଆହତମାନଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ମୃତଦେହକୁ ଜବତ କରି ଯାଞ୍ଚ ଆରମ୍ଭ କରାଯାଇଛି।