ଚନ୍ଦ୍ରର ନୂଆ ଫଟୋ ଆସିଲା ସାମ୍ନାକୁ, ଚନ୍ଦ୍ରାୟନ ୩କୁ ନେଇ ଇସ୍ରୋ କହିଲା, ଅଲ ଇଜ ଓ୍ବେଲ

ନୂଆଦିଲ୍ଲୀ,୨୨।୮: ଚନ୍ଦ୍ରରେ ଅବତରଣ କରିବାକୁ ସମସ୍ତେ ଉତ୍ସାହର ସହିତ ଅପେକ୍ଷା କରିଛନ୍ତି। ଏହି ସମୟରେ, ଇସ୍ରୋ ମିଶନ ଚନ୍ଦ୍ରୟାନ ୩ସମ୍ବନ୍ଧରେ ଏକ ଅପଡେଟ ଦେଇଛି । ଏହା ସହିତ ଇସ୍ରୋ ମଧ୍ୟ ଲ୍ୟାଣ୍ଡର ଦ୍ୱାରା ନିଆଯାଇଥିବା ଚନ୍ଦ୍ରର ନୂତନ ଫଟୋ ଜାରି କରିଛି।

ଇସ୍ରୋ ମଙ୍ଗଳବାର ଏକ୍ସ (ପୂର୍ବ ଟୁଇଟର) ରେ ପୋଷ୍ଟ କରିଛି ଯେ ଚନ୍ଦ୍ରୟାନ ନିର୍ଦ୍ଧାରିତ ସମୟରେ ଅଛି। ସ୍ପେସ ଏଜେନ୍ସି କହିଛି ଯେ ସିଷ୍ଟମର ନିୟମିତ ଯାଞ୍ଚ ଚାଲିଛି ଏବଂ କାର୍ଯ୍ୟ ସୁରୁଖୁରୁରେ ଚାଲିଛି।
ଏହା ସହିତ ଇସ୍ରୋ ଲ୍ୟାଣ୍ଡର ଦ୍ୱାରା ପ୍ରସ୍ତୁତ ଭିଡିଓ ମଧ୍ୟ ପ୍ରକାଶ କରିଛି। ଇସ୍ରୋ କହିଛି ଯେ ଏଗୁଡ଼ିକ ହେଉଛି ଲ୍ୟାଣ୍ଡର୍‌ ପୋଜିସନ ଡିଟେକସନ କ୍ୟାମେରା (LPDC) ଦ୍ୱାରା ଅଗଷ୍ଟ ୧୯ରେ ପ୍ରାୟ ୭୦ କିଲୋମିଟର ଉଚ୍ଚତାରୁ ଉଠାଯାଇଥିବା ଚନ୍ଦ୍ରର ଫଟୋ।
ଏଲପିଡିସି ପ୍ରତିଛବିଗୁଡ଼ିକ ଲ୍ୟାଣ୍ଡର୍‌ ମଡ୍ୟୁଲୁକୁ ଏହାର ସ୍ଥିତି (ଅକ୍ଷାଂଶ ଏବଂ ଦ୍ରାଘିମା) ନିର୍ଣ୍ଣୟ କରିବାରେ ସାହାଯ୍ୟ କରେ।