ନୂଆଦିଲ୍ଲୀ,୪।୯: ବିକ୍ରମ ଲ୍ୟାଣ୍ଡର ଚନ୍ଦ୍ରୟାନ-୩ ମିଶନର ଉଦ୍ଦେଶ୍ୟକୁ ପୂରଣ କରି ନେଇଛି। ସୋମବାର ଇସ୍ରୋ ପକ୍ଷରୁୁ ଏକ ଭିଡିଓ ଜାରି କରାଯାଇଛି କୁହାଯାଇଛି କି ବିକ୍ରମ ଲ୍ୟାଣ୍ଡର ନିଜର ‘ହପ ଏକ୍ସପିରିମେଣ୍ଟ’ ସଫଳତାପୂର୍ବକ ପୂରଣ କରି ନେଇଛି।
ରୋଭର ସ୍ଲିପ ମୋଡକୁ ଯିବା ପରେ, କଣ୍ଟ୍ରୋଲ ରୁମର ନିର୍ଦ୍ଦେଶରେ ବିକ୍ରମ ଲ୍ୟାଣ୍ଡରର ଇଞ୍ଜିନ ପୁନଃ ଚାଲୁ କରାଯାଇଥିଲା ଏବଂ ଏହାକୁ ୪୦ ସେମି ଉପରକୁ ଉଠାଇ ଦିଆଗଲା ଏବଂ ତା’ପରେ ସ୍ଥିତିରୁ ୩୦-୪୦ସେମି ଦୂରରେ ପୁନର୍ବାର ସୁରକ୍ଷିତ ଭାବେ ସପ୍ଟ ଲ୍ୟାଣ୍ଡିଂ କଲା।
ଏହି ସଫଳ ‘ହପ ଏକ୍ସପିରିମେଣ୍ଟ’ ସହିତ ଭବିଷ୍ୟତରେ ଚନ୍ଦ୍ରରୁ ନମୁନା ଫେରାଇ ଆଣିବା ଏବଂ ମାନବ ମିଶନ ପୂରଣ କରିବାର ଲକ୍ଷ୍ୟ ହାସଲ ହୋଇଛି। ଇସ୍ରୋ କହିଛି ଯେ ସମସ୍ତ ସିଷ୍ଟମ ସଠିକ ଭାବରେ କାମ କରୁଛି। ଏହି ‘ହପ ଏକ୍ସପେରିମେଣ୍ଟ’ ମାଧ୍ୟମରେ, ରାମ୍ପ, ChaSTE ଏବଂ ILSAକୁ ପଛକୁ ଫୋଲ୍ଡ ହୋଇ ଚନ୍ଦ୍ର ପୃଷ୍ଠରେ ସଫଳତାର ସହ ପୁନ ନିୟୋଜିତ ହେଲା।