ନୂଆଦିଲ୍ଲୀ,୫।୧୦ : କେନ୍ଦ୍ର ସରକାର ସ୍ବରାଷ୍ଟ୍ର ବିଭାଗର ସଂସଦୀୟ କମିଟିର ଅଧ୍ୟକ୍ଷତା କଂଗ୍ରେସ ହାତରୁ ଛଡ଼ାଇ ନେଇଛି। ଏହା ସହିତ ବହିର୍ବ୍ୟାପାର ବିଭାଗ, ପ୍ରତିରକ୍ଷା ବିଭାଗ, ଅର୍ଥ ବିଭାଗ ଆଦି ସମସ୍ତ ଗୁରୁତ୍ୱପୂର୍ଣ୍ଣ ସଂସଦୀୟ କମିଟିର ଅଧ୍ୟକ୍ଷ ପଦବୀ ଶାସକ ଭାଜପା ହାତକୁ ଯାଇଛି। ସଂସଦୀୟ କମିଟିରେ ପୁନଃ ନିର୍ମାଣ ସମ୍ପର୍କରେ ମଙ୍ଗଳବାର ଏହା ଘୋଷଣା କରାଯାଇଛି। ଗୃହ ବିଭାଗ ସହ ଜଡିତ ସଂସଦୀୟ କମିଟି ବ୍ୟତୀତ ସଂସଦୀୟ କମିଟି ପୁନର୍ଗଠନରେ କଂଗ୍ରେସକୁ ଆଇଟି ଅଧ୍ୟକ୍ଷତା ମଧ୍ୟ ମିଳି ନାହିଁ। ଏହି କମିଟିଗୁଡିକୁ ପ୍ରତିବର୍ଷ ପୁନର୍ଗଠନ କରାଯାଇଥାଏ ।
ସୂଚନାନୁସାରେ, ବାଣିଜ୍ୟ ଏବଂ ରାସାୟନିକ ସାର ସହ ଜଡିତ ସଂସଦୀୟ କମିଟିର ଅଧ୍ୟକ୍ଷତେ ଏପର୍ଯ୍ୟନ୍ତ ଘୋଷଣା କରାଯାଇ ନାହିଁ। ଏହି କମିଟିର ଅଧ୍ୟକ୍ଷତା ପଦଗୁଡିକ କଂଗ୍ରେସକୁ ଦିଆଯିବାର ସମ୍ଭାବନା ରହିଛି। କମିଟିର ଅଧ୍ୟକ୍ଷତା ବଣ୍ଟନ ସଂସଦର ଉଭୟ ଗୃହରେ ଦଳର ଶକ୍ତି ଆଧାରରେ କରାଯାଇଥାଏ। ଲୋକସଭା ଏବଂ ରାଜ୍ୟସଭା ସଚିବଙ୍କ ଦ୍ୱାରା ସୂଚିତ ସଂସଦୀୟ କମିଟିର ପୁନର୍ଗଠନରେ ଅନେକ କମିଟିର ଅଧ୍ୟକ୍ଷଙ୍କୁ ପରିବର୍ତ୍ତନ କରାଯାଇଛି। ଏହି ପୁନର୍ଗଠନ ସହିତ ସ୍ବରାଷ୍ଟ୍ର ବିଭାଗ, ଆଇଟି ବିଭାଗ, ପ୍ରତିରକ୍ଷା ବିଭାଗ, ବୈଦେଶିକ ବିଭାଗ, ଅର୍ଥ ବିଭାଗ ଏବଂ ସ୍ବାସ୍ଥ୍ୟ ବିଭାଗ ସହ ଜଡିତ ୬ଟି ବଡ ସଂସଦୀୟ କମିଟିର ଅଧ୍ୟକ୍ଷ ପଦବୀ ଭାଜପା କିମ୍ବା ଏହାର ସହଯୋଗୀ ଦଳକୁ ଦିଆଯାଇଛି।
