ଆଜିକାଲି ସ୍ମାର୍ଟଫୋନ ଆମର ଏତେ ଆବଶ୍ୟକ ହୋଇଗଲାଣି ଯେ, ଏହା ବିନା ଯେମିତି କିଛି କାମ କରିହେବନି। ବ୍ୟାଙ୍କିଂ ହେଉ, ଶପିଂ ହେଉ କିମ୍ବା ସାଙ୍ଗମାନଙ୍କ ସହିତ ଚାଟିଂ। ଏଭଳି ପରିସ୍ଥିତିରେ ସବୁଠାରୁ ବଡ଼ ସମସ୍ୟା ହେଉଛି ଫୋନର ବ୍ୟାଟେରି। ଆପଣ ଯେତେ ଅଧିକ ଫୋନ ବ୍ୟବହାର କରିବେ ସେତେ ଅଧିକ ଚାର୍ଜିଂ ସରିବ। ଏହି କ୍ଷେତ୍ରରେ ଆପଣ ବାରମ୍ବାର ଫୋନ ଚାର୍ଜ କରିଥାନ୍ତି। ଅନେକ ଥର ଏହା ଘଟେ ଯେ, ଘର ବାହାରେ ଫୋନ ପାଇଁ ଚାର୍ଜର ମିଳି ନ ଥାଏ। ଏପରି ପରିସ୍ଥିତିରେ ଆପଣ ନିଜ ଫୋନକୁ ଅନ୍ୟର ଚାର୍ଜର ସହିତ ଚାର୍ଜ କରିଥାନ୍ତି।
ଯଦି ଆପଣ ନିଜ ଫୋନକୁ ଅନ୍ୟର ଚାର୍ଜର ସହିତ ବ୍ୟବହାର କରନ୍ତି, ତେବେ ବର୍ତ୍ତମାନ ଆପଣଙ୍କୁ ସତର୍କ ହେବା ଆବଶ୍ୟକ। ଅନ୍ୟ କୌଣସି ଚାର୍ଜରରୁ ଫୋନ୍ ବ୍ୟବହାର କରିବା ଆପଣଙ୍କ ଫୋନର ବ୍ୟାଟେରିକୁ ଅନେକ କ୍ଷତି ପହଞ୍ଚାଇଥାଏ। ସେଥିପାଇଁ ଆପଣ ଅନ୍ୟ ଚାର୍ଜର ସହିତ ଫୋନ୍ ଚାର୍ଜ କରିବା ଠାରୁ ଦୂରେଇ ରହିବା ଉଚିତ।
ଅନେକ ଥର ଏହା ଘଟେ, ଆମ ମୋବାଇଲର ମୂଳ ଚାର୍ଜର ନଷ୍ଟ ହୋଇଯାଏ। ଏଭଳି ପରିସ୍ଥିତିରେ ଆମେ ବଜାରରୁ ଶସ୍ତା ଚାର୍ଜର ଆଣିଥାଉ। ଯଦିଓ ଏହି ଚାର୍ଜର ଆମର ସ୍ମାର୍ଟଫୋନ ଚାର୍ଜ କରିଥାଏ, କିନ୍ତୁ ମୂଳ ଚାର୍ଜର ପରି ଭଲ ହୋଇ ନ ଥାଏ ଏବଂ ଧିର ଧିରେ ଆମର ବ୍ୟାଟେରି ନଷ୍ଟ ହୋଇଥାଏ।
କାରଣ ପ୍ରତ୍ୟେକ ଫୋନର ଚାର୍ଜର ଅଲଗା ଅଟେ। ଏପରି ପରିସ୍ଥିତିରେ, ଯଦି ଆପଣ ଅନ୍ୟର ଫୋନର ଚାର୍ଜରକୁ ଆପଣଙ୍କର ପ୍ଲଗ୍ କରନ୍ତି, ତେବେ ଏହା ଆପଣଙ୍କ ବ୍ୟାଟେରିକୁ ନଷ୍ଟ କରିପାରେ। କାରଣ ଆପଣଙ୍କ ବ୍ୟାଟେରି ସେହି ଚାର୍ଜରକୁ ସପୋର୍ଟ କରି ନ ପାରେ। ଏହା ସତ୍ତ୍ୱେ ଯଦି ଆପଣ ସମାନ ଚାର୍ଜର ବ୍ୟବହାର କରି ବାରମ୍ବାର ବ୍ୟାଟେରି ଚାର୍ଜ କରୁଛନ୍ତି, ତେବେ ବ୍ୟାଟେରିର ଉପାଦାନଗୁଡ଼ିକ ନଷ୍ଟ ହୋଇପାରେ କିମ୍ବା ସେଗୁଡ଼ିକ ସଠିକ ଚାର୍ଜ ହେବ ନାହିଁ ।
ଏହା ହୋଇପାରେ ଆପଣଙ୍କର ବ୍ୟାଟେରି ୧୦ ଓ୍ବାଟ୍ ଚାର୍ଜରକୁ ସପୋର୍ଟ କରେ, କିନ୍ତୁ ଯଦି ଆପଣ ଏହାକୁ ଅଧିକ ଓ୍ବାଟ୍ ଚାର୍ଜର ସହିତ ଚାର୍ଜ କରନ୍ତି, ତେବେ ଏହା ବ୍ୟାଟେରି ଉପରେ ଚାପ ପକାଇବ ଏବଂ ଫୋନ୍ ଫାଟିଯିବାର ସମ୍ଭାବନା ଦେଖାଦେଇଥାଏ। ସେଥିପାଇଁ ସବୁବେଳେ ମୋବାଇଲ ସହିତ ଆସିଥିବା ଚାର୍ଜର ବ୍ୟବହାର କରନ୍ତୁ କାରଣ ସେଗୁଡିକ ବ୍ୟାଟେରି ଅନୁଯାୟୀ ଡିଜାଇନ ହୋଇଛି। ଏହାବ୍ୟତୀତ ଫୋନ ଏବଂ ଚାର୍ଜର ଅଧିକ ଦିନ ସୁରକ୍ଷିତ ରହିପାରିବ।