ପୋଲିସ ଅଧିକାରୀ, ଅଗ୍ନିଶମ କର୍ମଚାରୀ ଏବଂ ଜରୁରିକାଳୀନ କମର୍ଚାରୀମାନେ ଅତ୍ୟନ୍ତ କଷ୍ଟଦାୟକ ପରିସ୍ଥିତିର ସମ୍ମୁଖୀନ କରିଥାନ୍ତି। ମାତ୍ର ବେଳେବେଳେ ସେମାନେ କିଛି ବିଚିତ୍ର ପରିସ୍ଥିତିର ସାମ୍ନା କରିଥାନ୍ତି। ଯାହା ଦେଖିଲେ ବିଶ୍ୱାସ କରି ହୁଏ ନାହିଁ। ଅଷ୍ଟ୍ରେଲିଆର ନ୍ୟୁ ସାଉ୍୍ ଓ୍ବେଲ୍ସର ଅଗ୍ନିଶମ କର୍ମଚାରୀ ଏମିତି ଏକ ଘଟଣାର ସମ୍ମୁଖୀନ ହୋିଛନ୍ତି। ଯାହା ଲୋକଙ୍କୁ ଆଶ୍ଚର୍ଯ୍ୟଚକିତ କରିଛି। ହଠାତ୍ ଏକ ଗାଈ ରାଗି କି ଜଣେ ଅଗ୍ନିଶମ କର୍ମଚାରୀଙ୍କୁ ଗୋଡ଼ାଉଥିବା ଭିଡିଓରେ ଦେଖିବାକୁ ମିଳିଛି। ଭିଡିଓଟିକୁ ଅଗ୍ନି ଏବଂ ଉଦ୍ଧାରକାରୀ ଏନ୍ଏସ୍ଡବ୍ଲ୍ୟୁ ଷ୍ଟେଶନ ୦୮୨ ରିଚମଣ୍ଡ ଏହାକୁ ଫେସ୍ବୁକରେ ଶେୟାର କରିଛନ୍ତି। ଅଗ୍ନିଶମ କର୍ମଚାରୀ ହାଇଡ୍ରାଣ୍ଟର ଯାଞ୍ଚ କରୁଥିବା ବେଳେ ଏକ ଗାଈ ତାଙ୍କ ଉପରେ ଆକ୍ରମଣ କରିଥିଲା। ଭିଡିଓକୁ ଫେସ୍ବୁକରେ ପୋଷ୍ଟ କରି କ୍ୟାପଶନ ଲେଖାଯାଇଥିଲା ‘ ଫାୟାର ଆଣ୍ଡ୍ ରେସ୍କ୍ୟୁ ଏନ୍ଏସଡବ୍ଲ୍ୟୁରେ ଆମେ ଯାହା ବି କରିବାକୁ ପ୍ରସ୍ତୁତ। କିନ୍ତୁ ରାଗିଥିବା ଗାଈ ପଛରେ ଗୋଡ଼ାଇବା ବ୍ୟତୀତ।
ନଭେମ୍ବର ୨୯ରେ ଏହି ଘଟଣା ଘଟିଥିଲା। ଏହା ଶେୟାର ହେବା ପରଠାରୁ ୬୦୦ରୁ ଅଧିକ ପ୍ରତିକ୍ରିୟା ଏବଂ ପ୍ରାୟ ୫୦୦ କମେଣ୍ଟ ମିଳିଛି। କିଛି ୟୁଜର ପ୍ରତିକ୍ରିୟା ଦେଇ କହିଛନ୍ତି, ଏହା ହାସ୍ୟାସ୍ପଦ କଥା ନୁହେଁ। ଆଉ ଜଣେ ୟୁଜର ଲେଖିଛନ୍ତି, ଏହି ଘଟଣାରେ ତାଙ୍କ ସାଙ୍ଗ ଏବଂ ସହକର୍ମଚାରୀମାନେ ଭିଡିଓ ପ୍ରସ୍ତୁତ କରିଛନ୍ତି। ଯାହା ଅତ୍ୟନ୍ତ ଦୁଃଖଦାୟକ।