କୁହାଯାଏ, ଏମିତି ବନ୍ଧୁ ହେବା ଦରକାର ଯିଏ କି ହୃଦୟର ସମସ୍ତ କଥା ଶେୟାର କରିପାରୁଥିବ। ତାଙ୍କ ପ୍ରତି ଗଭୀର ବିଶ୍ୱାସ ଥିବା ଦରକାର। ଆଉ ଏହି ଅତୁଟ ବିଶ୍ୱାସ ପ୍ରତି ଯଦି କେହି ବନ୍ଧୁ ବିଶ୍ୱାସଘାତକତା କରେ ତେବେ ହୃଦୟ ଭାଙ୍ଗିଯାଏ। ଏମିତି ଜଣେ ଯୁବତୀଙ୍କ ସହ ଘଟିଛି। ଯୁବତୀଙ୍କୁ ଜଣାପଡ଼ିଲା ତାଙ୍କ ବେଷ୍ଟ ଫ୍ରେଣ୍ଡ ତାଙ୍କ ଭାବି ସ୍ବାମୀଙ୍କ ସହ ପ୍ରେମସମ୍ପର୍କ ରଖିଛନ୍ତି ସେତେବେଳେ ତାଙ୍କ ପାଦତଳୁ ମାଟି ଖସିଗଲା।
ଏକ ରିପୋର୍ଟ ଅନୁଯାୟୀ, ଆମେରିକାରେ ରହୁଥିବା ଲିବ୍ ପୋର୍ଟିଲ ଏକ ଭିଡିଓ କ୍ଲିପ୍ ଶେୟାର କରି କହିଛନ୍ତି। ଏଥିରେ ସେ କହିଛନ୍ତି, ଧୋକା ମିଳିବା ପରେ ଯୁବତୀ ତାଙ୍କୁ ହାର ତିଆରି କରିବା ପାଇଁ କହିଥିଲେ। ଏହି ହାରକୁ ସେ ତାଙ୍କ ବେଷ୍ଟ ଫ୍ରେଣ୍ଡଙ୍କ ଜନ୍ମଦିନରେ ଗିଫ୍ଟ କରିଛନ୍ତି। ଏହି ଷ୍ଟୋରୀ ଭାଇରାଲ ହେବା ପରେ ଯୁବତୀ ଜଣକ ଜାଣିଲେ ଯେ, ତାଙ୍କ ଭାବିସ୍ବାମୀଙ୍କର ଆଉ କାହାସହ ପ୍ରେମସମ୍ପର୍କ ରହିଛି। ଏହା ଜାଣିବା ପରେ ତାଙ୍କ ହୃଦୟ ଭାଙ୍ଗିଗଲା। କାରଣ ସେ ତାଙ୍କ ପ୍ରେମିକଙ୍କୁ ବହୁତ ଭଲ ପାଉଥିଲେ। ସେ ଯେତେବେଳେ ଜାଣିଲେ ତାଙ୍କ ପ୍ରେମିକ ତଥା ଭାବିସ୍ବାମୀ ଯାହାକୁ ଭଲ ପାଉଛନ୍ତି ସେ ଆଉ କେହି ନୁହନ୍ତି, ତାଙ୍କ ଅନ୍ତରଙ୍ଗ ବାନ୍ଧବୀ। ସେ ତାଙ୍କ ଧୋକାବାଜ ପ୍ରେମିକଙ୍କଠାରୁ ପ୍ରତିଶୋଧ ମଧ୍ୟ ନେଲେ। ତାଙ୍କୁ ଏକ ହାର ତିଆରି କରିବାକୁ ଅର୍ଡର ଦେଇଥିଲେ। ସେହି ହାରକୁ ଆଣି ବାନ୍ଧବୀଙ୍କୁ ଦେଇଦେଲେ।
ଭାଇରାଲ ଭିଡିଓକୁ ବର୍ତ୍ତମାନ ସୁଦ୍ଧା ୧.୨ ମିଲିୟନ ଥର ଦେଖାସରିଲାଣି। ୨ ଲକ୍ଷରୁ ଅଧିକ ଲୋକ ଲାଇକ୍ ବି କରିଛନ୍ତି। ଏହି ହାର ଉପରେ ଯୁବତୀ ଜଣଙ୍କ ତାଙ୍କ ଅନ୍ତରଙ୍ଗ ବାନ୍ଧବୀଙ୍କ ନାଁ ମଧ୍ୟ ଲେଖିଛନ୍ତି। ଜଣେ ୟୁଜର ଲେଖିଛନ୍ତି, ମୁଁ ହେଲେ ତାଙ୍କ ବାନ୍ଧବୀ ହୋଇଥାନ୍ତି। ସେହିପରି ଆଉ ଜଣେ ୟୁଜର ଲେଖିଛନ୍ତି, ମୁଁ ପଇସା ବରବାଦ ନ କରି ନିଜ ପାଇଁ କ’ଣ ଗୋଟେ କିଣିଦେଇଥାନ୍ତି।