ରାଉରକେଲା ଅଫିସ,୫ା୪: ବର୍ତ୍ତମାନ ଓଡ଼ିଶାରେ ଆମ୍ବ କଞ୍ଚାାଳିଆ ଅବସ୍ଥାରେ ରହିଛି। ଆମ୍ବ ସମ୍ପୂର୍ଣ୍ଣ ପାକଳ ହୋଇନାହିଁ। ମାତ୍ର ରାଉରକେଲା ସହରରେ ବିଭିନ୍ନ ପ୍ରକାରର ଫଳ ସହ ପାଚିଲା ଆମ୍ବ ବିକ୍ରି ହେଲାଣି। ଏବେ ରାଉରକେଲା ବଜାରରେ ମିଳୁଥିବା ସିନ୍ଦୁରୀ, ଲଗଡା ଓ ମାଏଦା ଆଦି ଆମ୍ବକୁ ଲୋକେ ମଧ୍ୟ କିଣୁଥିବା ଦେଖିବାକୁ ମିଳୁଛି। ଆମ୍ବ କିଲୋ ପ୍ରତି ୧୦୦ରୁ ୧୫୦ ଟଙ୍କାରେ ବିକ୍ରି ହେଉଛି। ବ୍ୟବସାୟୀମାନେ ବାହାର ରାଜ୍ୟରୁ ଏହି ଆମ୍ବ ଏଠାକୁ ଆଣୁଛନ୍ତି। ସେହି ଆମ୍ବକୁ କାର୍ବାଇଡ୍ ଦେବା ପରେ ତାହା ସଅଳ ପାଚି ଯାଉଛି। ଏହାପରେ ତାକୁ ଚଢା ଦରରରେ ବଜାରରେ ବିକ୍ରି କରାଯାଉଥିବା ଜଣାପଡିଛି। ତେବେ ଏହାଦ୍ୱାରା ଯେଭଳି ଲୋକମାନଙ୍କରି ସ୍ବାସ୍ଥ୍ୟହାନି ନ ହୁଏ ସେ ଦିଗରେ ବିଭାଗ ପକ୍ଷରୁ ପଦକ୍ଷେପ ନେବା ଜରୁରୀ ହୋଇପଡିଛି। ଏ ନେଇ ରାଉରକେଲା ଫୁଡ ଇନ୍ସପେକ୍ଟର ସ୍ବାଗତିକା ବେହେରାଙ୍କୁ ପଚାରିବାରୁ ଏଯାଏ ଆମ୍ବ ଜନିତ କୌଣସି ଅଭିଯୋଗ ହସ୍ତଗତ ହୋଇନି। ମାତ୍ର ଆଗକୁ ଏ ଦିଗରେ ଯାଞ୍ଚ ପ୍ରକ୍ରିୟା ହେବ ବୋଲି ସେ କହିଥିଲେ।
