ଚେନ୍ନାଇ,୬।୬:ପୂର୍ବତନ ଭାରତୀୟ ଅଧିନାୟକ ମହେନ୍ଦ୍ର ସିଂ ଧୋନୀ ଡ୍ରୋନ କମ୍ପାନୀ ଗରୁଡର ଅଂଶଧନ କିଣିଛନ୍ତି। ଏହି କମ୍ପାନୀ ଡ୍ରୋନ ତିଆରି କରେ ଏବଂ ଦେଶରେ କୃଷି ସମ୍ବନ୍ଧୀୟ ପ୍ରଣାଳୀରେ ଉନ୍ନତି ଆଣେ। ଗରୁଡ କମ୍ପାନୀ ଡ୍ରୋନ ମାଧ୍ୟମରେ ଚାଷୀଙ୍କ କାର୍ଯ୍ୟକୁ ସହଜ କରିବ। ଏହି କମ୍ପାନୀର ଡ୍ରୋନ ସହଜରେ ଏବଂ କମ ସମୟ ମଧ୍ୟରେ ଫସଲରେ କୀଟନାଶକ, ଜଳ ଏବଂ ସାର ପ୍ରୟୋଗ କରିବାରେ ସକ୍ଷମ ହେବ। ଏହିପରି ଭାବରେ ଧୋନୀ ଏବେ ଦେଶର ଚାଷୀଙ୍କ କାର୍ଯ୍ୟକୁ ସହଜ କରିବାକୁ ଯାଉଛନ୍ତି।
ଅନ୍ତର୍ଜାତୀୟ କ୍ରିକେଟରୁ ଅବସର ନେବା ପରେ ଧୋନୀ ଗରୁଡ ଏୟାର ସ୍ପେସ ସହିତ ଏକ ନୂଆ ଇନିଂସ ଆରମ୍ଭ କରିଛନ୍ତି। ଚେନ୍ନାଇରେ ପ୍ରତିଷ୍ଠିତ ଏହି କମ୍ପାନୀ ଚାଷୀଙ୍କ ସୁବିଧା ପାଇଁ ଡ୍ରୋନ ଉତ୍ପାଦନ କରେ। ଗରୁଡ ଏୟାରସ୍ପେସ ପ୍ରତିଷ୍ଠାତା ତଥା ସିଇଓ ଅଗ୍ନିଶ୍ୱର ଜୟପ୍ରକାଶ କହିଛନ୍ତି। ସେ କହିଛନ୍ତି, ଧୋନୀ ଏହି ଷ୍ଟାର୍ଟଅପ ସହିତ ଜଡିତ ହେବା ଆସୋସିଏସନ ପାଇଁ ଗର୍ବର ବିଷୟ। ମୁଁ ଧୋନୀଙ୍କ ସର୍ବଦା ଜଣେ ବଡ଼ ପ୍ରଶଂସକ ଥିଲି। ତାଙ୍କୁ ଗରୁଡ ଏୟାରସ୍ପେସ ପରିବାରର ଏକ ଅଂଶ ଭାବରେ ଗ୍ରହଣ କରିବା ଏକ ସ୍ବପ୍ନ ଭଳି।
ତେବେ ଧୋନୀ ଏହି କମ୍ପାନୀରେ କେତେ ବିନିଯୋଗ କରିଛନ୍ତି, ତାହା ପ୍ରକାଶ କରାଯାଇ ନାହିଁ। ଏହାପୂର୍ବରୁ ଧୋନୀ ପୋଷାକ, ମଦ ଏବଂ କୃଷି ସମ୍ବନ୍ଧୀୟ କମ୍ପାନୀଗୁଡିକରେ ବିନିଯୋଗ କରିଛନ୍ତି।
ଗରୁଡ ଏୟାରସ୍ପେସ ୨୬ଟି ସହରରେ ୩୦୦ ଡ୍ରୋନ ଏବଂ ୫୦୦ ପାଇଲଟ ସହିତ ଏହାର ସୁବିଧା ଯୋଗାଉଛି। ନିକଟରେ ଦେଶର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି କମ୍ପାନୀର ଉତ୍ପାଦନ ୟୁନିଟ ଆରମ୍ଭ କରିଛନ୍ତି।