ଆଇପିଏଲ ୨୦୨୦ରେ ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ଉପରେ ରାଜସ୍ଥାନ ରୟାଲ୍ସ ବିଜୟ ସହିତ ଚେନ୍ନାଇ ସୁପର କିଙ୍ଗ୍ସ(ସିଏସ୍କେ) ‘ପ୍ଲେ ଅଫ’କୁ ଯିବାର ସମ୍ଭାବନା ସମ୍ପୂର୍ଣ୍ଣ ଶେଷ ହୋଇଯାଇଛି।ଅବଶ୍ୟ ଗତ ଅକ୍ଟୋବର ୨୩ରେ ମୁମ୍ବାଇ ଇଣ୍ଡିଆନ୍ସ ଠାରୁ ୧୦ ଉଇକେଟ ପରାଜୟ ପରେ ଦଳର ଆଶା ପ୍ରାୟ ଶେଷ ହୋଇଥିଲା। ଆଇପିଏଲ ଇତିହାସର ୧୩ ବର୍ଷରେ ପ୍ରଥମ ଥର ପାଇଁ ଚେନ୍ନାଇ ପ୍ଲେ ଅଫ ରେସରୁ ଓହରିଯାଇଛିି। ସିଏସ୍କେ ୧୨ଟି ମ୍ୟାଚ ଖେଳି ୮ଟି ପରାଜୟ ହାରିଛି। ଚେନ୍ନାଇ ବର୍ତ୍ତମାନ ପଏଣ୍ଟ ଟେବୁଲ ଶେଷରେ ଅଛି। ଦଳର ଦୁଇଟି ମ୍ୟାଚ ବାକି ଅଛି। ଯଦି ଏହି ଦୁଇଟି ମ୍ୟାଚ ଜିତିବ, ତା’ହେଲେ ୧୨ ପଏଣ୍ଟରେ ଅଭିଯାନ ଶେଷ କରିବ। ୩ଥର ବିଜେତା ଏବଂ ୫ଥର ରନର୍ ଅପ ଚେନ୍ନାଇ ସୁପର୍ କିଙ୍ଗ୍ସ ପ୍ରତିଥର ପ୍ଲେ-ଅଫ୍ରେ ପହଞ୍ଚିଥିଲା। କିନ୍ତୁ ଏଥର ଦଳ ଦୟନୀୟ ପ୍ରଦର୍ଶନ କରିଛି।
