ଦୁବାଇ,୭।୧୦: ଆଇପିଏଲ ୨୦୨୧ର ୫୩ତମ ମ୍ୟାଚରେ ଚେନ୍ନାଇ ସୁପର କିଙ୍ଗସ ପଞ୍ଜାବ କିଙ୍ଗସକୁ ଭେଟୁଛି। ଏହି ମ୍ୟାଚରେ ପଞ୍ଜାବ କିଙ୍ଗ୍ସର ଅଧିନାୟକ କେ.ଏଲ ରାହୁଲ ଟସ ଜିତି ବୋଲିଂ କରିବାକୁ ନିଷ୍ପତ୍ତି ନେଇଛନ୍ତି। ଖେଳୁଥିବା ଏକାଦଶରେ ପଞ୍ଜାବ ଦଳ ଗୋଟିଏ ପରିବର୍ତ୍ତନ କରିଛି। ନିକୋଲାସ ପୁରାନଙ୍କ ସ୍ଥାନରେ କ୍ରିସ ଜୋର୍ଡାନଙ୍କୁ ଏକ ସୁଯୋଗ ମିଳିଛି। ଏଥି ସହିତ, ସିଏସକେ ଦଳରେ କୌଣସି ପରିବର୍ତ୍ତନ କରିନାହିଁ।
ସିଏସ୍କେ ଏପର୍ଯ୍ୟନ୍ତ ୧୩ଟି ମ୍ୟାଚ ମଧ୍ୟରୁ ୯ଟି ଜିତିଛି । ଦଳ ପ୍ଲେ ଅଫରେ ପହଞ୍ଚି ସାରିଛି। ଦଳ ଏବେ ଦ୍ୱିତୀୟ ସ୍ଥାନରେ ରହିଛି। ଏଭଳି ପରିସ୍ଥିତିରେ ଯଦି ଦଳ ଆଜିର ମ୍ୟାଚ ଜିତେ, ତେବେ ଏହା ପୁଣି ଟେବୁଲର ଶୀର୍ଷରେ ପହଞ୍ଚିବ। ଉଭୟ ଦଳର ଲିଗ ରାଉଣ୍ଡର ଏହା ଶେଷ ମ୍ୟାଚ। ପଞ୍ଜାବ କିଙ୍ଗ୍ସର ଦଳ ଏହି ମ୍ୟାଚ ଜିତି ପ୍ଲେ ଅଫ ଆଶାକୁ ଜୀବନ୍ତ ରଖିବାକୁ ଚାହିଁବ। ତେବେ ଜିତିବା ପରେ ମଧ୍ୟ ତାଙ୍କୁ ଅନ୍ୟ ଦଳର ଫଳାଫଳ ଉପରେ ନିର୍ଭର କରିବାକୁ ପଡିବ।