ଗଞ୍ଜାମ,୨୭।୪(ଡି.ଏନ.ଏ. ): ଛତ୍ରପୁର ବିଧାୟକ ସୁବାଷ ଚନ୍ଦ୍ର ବେହେରା ଝାରସୁଗୁଡା ଉପନିର୍ବାଚନ ପ୍ରଚାରର ମଙ୍ଗ ଧରିଛନ୍ତି l ପୂର୍ବତନ ମନ୍ତ୍ରୀ ନବ ଦାସଙ୍କ ଝିଅ ବିଜେଡି ପାର୍ଥୀ ଦୀପାଳି ଦାସଙ୍କ ପାଇଁ ମାରାଥନ ପ୍ରଚାର କରୁଛନ୍ତି। ବିଧାୟକ ବେହେରା ଗୁରୁବାର ଝାରସୁଗୁଡା ମୁନିସିପାଲିଟିର ୱାର୍ଡ ନମ୍ବର ୨୩ ଓ ୨୪ରେ ନିର୍ବାଚନୀ ସଭାରେ ଦୀପାଳିଙ୍କ ସପକ୍ଷରେ ମତଦାନ ପାଇଁ ଭୋଟ ଭିକ୍ଷା କରିଛନ୍ତି l ଏଥିସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ବଚ୍ଛ ଶାସନ ଓ ବିଭିନ୍ନ ଯୋଜନାରେ ଗରିବ ଜନସାଧାରଣ କିଭଳି ଉପକୃତ ହେଉଛନ୍ତି, ତାହା ଲୋକ ପାଖରେ ବଖାଣି ବିପୁଳ ସଂଖ୍ୟାରେ ଦୀପାଳି ଦାସଙ୍କୁ ଭୋଟ ଦେଇ ବିଜୟୀ କରିବାକୁ କହିଛନ୍ତି। ସେଠାରେ ଛତ୍ରପୁର ବିଧାୟକ ବେହେରାଙ୍କ ଭାଷଣ ଶୁଣିବାକୁ ବହୁ ଲୋକଙ୍କ ଭିଡ଼ ଜମି ଥିବା ଦେଖିବାକୁ ମିଳିଥିଲା l ନିର୍ବାଚନ ଷ୍ଟାର ପ୍ରଚାରକ ତାଲିକାରେ ବିଧାୟକଙ୍କ ନାମ ଘୋଷଣା ହୋଇଥିଲା l ପ୍ରଚାର ଅବଧି ସରିବା ପର୍ଯ୍ୟନ୍ତ ସେଠାରେ ଦୀପାଳିଙ୍କ ପାଇଁ ପ୍ରଚାର କରିବେ ବୋଲି ତାଙ୍କ ନିକଟ ସୂତ୍ରରୁ ସୂଚନା ମିଳିଛି।