ରାୟପୁର,୪।୬: ଛତିଶଗଡର ପୂର୍ବତନ ମନ୍ତ୍ରୀ ବ୍ରିଜମୋହନ ଅଗ୍ରୱାଲଙ୍କ ଅଜବ ମନ୍ତବ୍ୟ ଦେଇ ଚର୍ଚ୍ଚାକୁ ଆସିଛନ୍ତି। ସେ କହିଛନ୍ତି ଯେ, ଯେଉଁମାନେ ମହଙ୍ଗା ବଢିଯାଇଛି ବୋଲି କହୁଛନ୍ତି, ସେମାନେ ଖାଇବା ପିଇବା ବନ୍ଦ କରିଦେବା ଉଚିତ ଏବଂ ପେଟ୍ରୋଲ ମଧ୍ୟ ପକାନ୍ତୁ ନାହିଁ। କଂଗ୍ରେସକୁ ଟର୍ଗେଟ କରି ସେ କହିଥିଲେ, ଯଦି କଂଗ୍ରେସକୁ ଭୋଟ ଦେଉଥିବା ଲୋକ ଏଭଳି କାର୍ଯ୍ୟ କରନ୍ତି ତେବେ ମହଙ୍ଗା କମିବ। ରାଜ୍ୟ କଂଗ୍ରେସ ମୁଖପାତ୍ର ସୁଶୀଲ ଆନନ୍ଦ ଶୁକ୍ଲା ବ୍ରିଜମୋହନ ଅଗ୍ରୱାଲଙ୍କ ବିବୃତ୍ତିକୁ ନେଇ ବର୍ଷିଛନ୍ତି। ସେ ଟୁଇଟ୍ କରି କହିଛନ୍ତି, ଭାଜପା ବିଧାୟକଙ୍କ ଲଜ୍ଜାଜନକ ପରାମର୍ଶକୁ ଦେଖନ୍ତୁ। ଲୋକମାନେ ଖାଇବା-ପିଇବା ବନ୍ଦ କରିଦିଅନ୍ତୁ, ପେଟ୍ରୋଲ ଏବଂ ଡିଜେଲ ବ୍ୟବହାର ବନ୍ଦ କରିଦେଲେ ତେବେ ମହଙ୍ଗା ହ୍ରାସ ପାଇବ।
ସୁଶୀଲ ଆନନ୍ଦ ଶୁକ୍ଲା କହିଛନ୍ତି ଯେ, ବ୍ରିଜମୋହନ ଅଗ୍ରୱାଲଙ୍କ ଏହି ବିବୃତ୍ତି ଲଜ୍ଜାଜନକ। ମହଙ୍ଗା ଯୋଗୁ ଦେଶର ମଧ୍ୟବିତ୍ତ ତଥା ଗରିବ ଶ୍ରେଣୀର ଲୋକମାନେ ଯନ୍ତ୍ରଣା ଭୋଗୁଛନ୍ତି। ଜଣେ ଭାଜପା ନେତାଙ୍କ ଏପରି ବିବୃତ୍ତି ଦେବା ଘା’ ଉପରେ ଲୁଣ ସିଞ୍ଚିବା ଭଳି ବୋଲି ସେ କହିଛନ୍ତି।
देखिये भाजपा विधायक की बेशर्मी भरी सलाह जनता खाना पीना बन्द कर दे पेट्रोल डीजल का उपयोग बन्द कर दे मंहगाई कम हो जाएगी@narendramodi @bhupeshbaghel @INCChhattisgarh pic.twitter.com/gwZxDAWLsK
— Sushil Anand Shukla (@SushilAnandCG) June 3, 2021
