ପଦ୍ମପୁର,୩ା୧୨(ଡି.ଏନ.ଏ.): ଯେଉଁଠି ଉପନିର୍ବାଚନ ହୁଏ ସେହି ନିର୍ବାଚନ ମଣ୍ଡଳୀର ଦାୟିତ୍ୱ ମୁଖ୍ୟମନ୍ତ୍ରୀ ନିଜେ ନିଅନ୍ତି ବୋଲି ସବୁବେଳେ ଉପନିର୍ବାଚନ ପ୍ରଚାରରେ କୁହନ୍ତି। ହେଲେ ପ୍ରଥମ ଥର ପାଇଁ ସେ ପଦ୍ମପୁର ଉପନିର୍ବାଚନରେ ଦାୟିତ୍ୱ ମୋର ବୋଲି କହିଲେ ନାହିଁ। ବୋଧହୁଏ ବିଜେଡି ପଦ୍ମପୁର ଉପନିର୍ବାଚନ ହାରିବା ସୁନିଶ୍ଚିତ ଜାଣି ମୁଖ୍ୟମନ୍ତ୍ରୀ ଆଉ ଦାୟିତ୍ୱ ମାଗିନାହାନ୍ତି। ସବୁ ଜନସଭାରେ ମୁଖ୍ୟମନ୍ତ୍ରୀ ପଚାରନ୍ତି ଯେ ଆପଣମାନେ ଖୁସି ତ। ହେଲେ ପଦ୍ମପୁର ଉପନିର୍ବାଚନ ପ୍ରଚାରରେ ଆପଣମାନେ ଖୁସି ତ ବୋଲି ପଚାରିନାହାନ୍ତି, କାରଣ ସେ ଜାଣିଛନ୍ତି ପଦ୍ମପୁରର ଲୋକେ ବିଜେଡିର ଏହି ୨୨ବର୍ଷର ପ୍ରତାରଣାରେ ଖୁସି ନାହାନ୍ତି। ଶୁକ୍ରବାର ସ୍ଥାନୀୟ ଭାଜପା କାର୍ଯ୍ୟାଳୟରେ ଏକ ଖବରଦାତା ସମ୍ମିଳନୀରେ ଏଭଳି କହିଛନ୍ତି ବିରୋଧୀ ଦଳ ନେତା ଜୟନାରାୟଣ ମିଶ୍ର।
