ପୁରୁଷୋତ୍ତମ ପୁର, ୧୮/୫(ଡିଏନ୍ଏ) ଗଞ୍ଜାମ ଜିଲ୍ଲା ତଥା ଦକ୍ଷିଣ ଓଡିଶାର ପ୍ରସିଦ୍ଧ ଇଷ୍ଟ ଦେବୀ ମା’ ତାରା ତାରିଣୀଙ୍କ ନୂତନ ମନ୍ଦିର ପ୍ରତିଷ୍ଠା ତଥା ଜୀର୍ଣ୍ଣୋଦ୍ଧାର ଓ ପ୍ରାସାଦର ସଂସ୍କାର କାର୍ଯ୍ୟକ୍ରମ ବୁଧବାର ଚତୁର୍ଥ ଦିବସରେ ପହଞ୍ଚିଛି । ଏଥିରେ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗ ଦେଇ ମା ଙ୍କ ଦର୍ଶନ ସହ ଇଣ୍ଟର ପିଟିସନ ହଲ, ପ୍ରସାଦ ସେବନ ଗୃହ, ମନ୍ଦିର କାର୍ଯାଳୟ, ଭିୟୁ ପଏଣ୍ଟ ର ଲୋକାର୍ପିତ କରିଥିଲେ। ଏଥି ସହ ପାହାଡ ପାଦଦେଶରେ ସାଧାରଣ ସଭାରେ ଯୋଗ ଦେଇ ପର୍ଯ୍ୟଟକଙ୍କୁ ଆକୃଷ୍ଟ ଲାଗି ବିଭିନ୍ନ ଉନ୍ନୟନ ମୂଳକ କାର୍ଯ୍ୟ ଘୋଷଣା କରିବା ସହ ୨୮ କୋଟି ଟଙ୍କା ବ୍ୟୟରେ ମନ୍ଦିର ପାର୍ଶ୍ବ ବର୍ତ୍ତୀ ଋଷିକୁଲ୍ଯା ନଦୀ ତଟର ଉନ୍ନତି କରଣ ଓ ୧୫ କୋଟି ଟଙ୍କା ବ୍ୟୟରେ ତାରା ତାରିଣୀ ଙ୍କ ଚତୁଃପାର୍ଶ୍ବ ରାସ୍ତାର ଉନ୍ନତିକରଣ ଲାଗି ଭିଡିଓ କନଫରେନ୍ସ ମାଧ୍ୟମରେ ଶିଳାନ୍ୟାସ କରିଥିଲେ।
ଯେପରି ମନ୍ଦିରର ସୌନ୍ଦର୍ଯ୍ୟ ବୃଦ୍ଧି ପାଇବ ଅଧିକରୁ ଅଧିକ ଭକ୍ତ ଏଠାକୁ ଆସିବେ ସେଥିନେଇ ବହୁ ଲୋକାଭିମୁଖି ଯୋଜନା କରାଯିବାର କହି ସମସ୍ତେ ସହଯୋଗ କରିବା ଲାଗି ନିବେଦନ କରିଥିଲେ। ଏହି ଅବସରରେ ମୂଖ୍ୟ ମନ୍ତ୍ରୀ ମନ୍ଦିର କାରୁକାର୍ଯ୍ୟ କରିଥିବା ସ୍ବର୍ଗତ ପଦ୍ମଶ୍ରୀ ରଘୁନାଥ ମହାପାଣିଗ୍ରାହୀଙ୍କ ପତ୍ନୀ ରଜନୀ ମହାପାତ୍ରଙ୍କୁ ସମ୍ବର୍ଦ୍ଧିତ କରିଥିଲେ।
ଏଥିରେ ୫ଟି ସଚ୍ଚିବ ଭି କାର୍ତ୍ତିକେୟ ପାଣ୍ଡିଆନ, ବିଧାନ ସଭାର ବାଚସ୍ପତିସୂର୍ଯ୍ୟ ନାରାୟଣ ପାତ୍ର, ଜଙ୍ଗଲ ଓ ପରିବେଶ ମନ୍ତ୍ରୀ ବିକ୍ରମ କେଶରୀ ଆରୁଖ, କୃଷି ମନ୍ତ୍ରୀ ଅରୁଣ କୁମାର ସାହୁ, ଖଲ୍ଲିକୋଟ ବିଧାୟିକା ସୂର୍ଯ୍ୟମଣି ବୈଦ୍ୟ, କବିସୂର୍ୟ୍ଯନଗର ବିଧାୟିକା ଲତିକା ପ୍ରଧାନ, ବ୍ରହ୍ମପୁର ବିଧାୟକ ବିକ୍ରମ କୁମାର ପଣ୍ଡା, ଆସ୍କା ଏମ୍ ପି ପ୍ରମିଳା ବିଷୋଇ, ବ୍ରହ୍ମପୁର ଏମପି ଚନ୍ଦ୍ର ଶେଖର ସାହୁ, ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ, ପୁରୁଷୋତ୍ତମ ପୁର ତହସିଲଦାର ନିତିଶ କୁମାର ତ୍ରିପାଠୀ, ଏସଡିପିଓ ସୂର୍ଯ୍ୟମଣି ପ୍ରଧାନଙ୍କ ସମେତ ରାଜ୍ୟର ବହୁ ବିଧାୟକ, ବରିଷ୍ଠ ପ୍ରଶାସନିକ ଅଧିକାରୀ ଯୋଗ ଦେଇଥିଲେ।