ବରଗଡ଼,୧୧ା୫(ପ୍ରେମାନନ୍ଦ ଖମାରୀ): ସାଧାରଣ ନିର୍ବାଚନରେ ଦଳୀୟ ପ୍ରାର୍ଥୀଙ୍କ ପ୍ରଚାର ପାଇଁ ରବିବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବରଗଡ଼ ଗସ୍ତ କାର୍ଯ୍ୟକ୍ରମ ରହିଛି। କାର୍ଯ୍ୟକ୍ରମ ଅନୁଯାୟୀ, ହେଲିକପ୍ଟର ଯୋଗେ ଆସି ମୁଖ୍ୟମନ୍ତ୍ରୀ ଅପରାହ୍ନ ୪ଟାରେ ସ୍ଥାନୀୟ ଜର୍ଜ ହାଇସ୍କୁଲ ପଡ଼ିଆର ଅସ୍ଥାୟୀ ହେଲିପ୍ୟାଡ୍ରେ ପହଞ୍ଚିବେ। ପରେ ସେଠାରେ ହେବାକୁ ଥିବା ଜନସଭାରେ ଉଦ୍ବୋଧନ ଦେବେ। କାର୍ଯ୍ୟକ୍ରମ ସରିବା ପରେ ଅପରାହ୍ନ ୪ଟା ୪୦ରେ ମୁଖ୍ୟମନ୍ତ୍ରୀ ଅସ୍ଥାୟୀ ହେଲିପ୍ୟାଡ୍କୁ ଯିବେ ଏବଂ ଅପରାହ୍ନ ୪ଟା ୫୦ରେ ସେଠାରୁ ହେଲିକପ୍ଟର ଯୋଗେ ପଦ୍ମପୁର ସତୀଭଟା ଏୟାରଷ୍ଟ୍ରିପ୍କୁ ଯିବେ। ସେଠାରେ ଅପରାହ୍ନ ୫ଟା ୧୦ରେ ପହଞ୍ଚିବେ ଏବଂ ଅପରାହ୍ନ ୫ଟା୧୫ରେ ସେଠାରେ ପୂର୍ବରୁ ରହିଥିବା ଅନ୍ୟ ଏକ ହେଲିକପ୍ଟର ଯୋଗେ ଭୁବନେଶ୍ୱର ବିଜୁ ପଟ୍ଟନାୟକ ଇଣ୍ଟର ନ୍ୟାଶନାଲ ଏୟାରପୋର୍ଟ ଅଭିମୁଖେ ଯିବେ। ସନ୍ଧ୍ୟା ୬ଟା ୦୫ରେ ଏୟାରପୋର୍ଟରୁ ଓହ୍ଲାଇ ମୁଖ୍ୟମନ୍ତ୍ରୀ ନବୀନ ନିବାସକୁ ଗାଡ଼ିରେ ଯିବାର କାର୍ଯ୍ୟକ୍ରମ ରହିଛି।
