ସୋସିଆଲ ମିଡିଆରେ ଏବେ ଏକ ଭିଡିଓ ଭାଇରାଲ ହେଉଛି, ଯେଉଁଥିରେ ଜଣେ କୁନି ପିଲାଟି ଆଖି ଲାଖିଯିବା ପରି ଷ୍ଟଣ୍ଟ କରିଛି। ପିଲାଟିର ଷ୍ଟଣ୍ଟ ଦେଖି ପାଖରେ ଥିବା ଲୋକେ ଆଶ୍ଚର୍ଯ୍ୟ ହୋଇଯାଇଛନ୍ତି।
ଭିଡିଓଟିକୁ ଜଣେ ଟୁଇଟର ବ୍ୟବହାରକାରୀ ରୁକ୍ମଣୀ କୁମାରୀ ଶେୟାର କରିଛନ୍ତି। ସେ କ୍ୟାପଶନରେ ଲେଖିଛନ୍ତି, ଭବିଷ୍ୟତରେ ଜିମ୍ନାଷ୍ଟିକ୍ରେ ଇଏ ଜଣେ ଗୋଲ୍ଡମେଡାଲିଷ୍ଟ ହେବେ। ଏହା ପରେ ଭିଡିଓଟି ତୀବ୍ର ବେଗରେ ଭାଇରାଲ ହେଉଛି।
ଭିଡିଓରେ ଦେଖିବାକୁ ମିଳିଛି, ଏକ ଖାଲି ସ୍ଥାନରେ କିଛି ପିଲା ଖେଳୁଥିଲେ। ସେମାନଙ୍କ ମଧ୍ୟରୁ ଜଣେ ପିଲା ଦୌଡ଼ି ଦୌଡ଼ି ଆସି ଷ୍ଟଣ୍ଟ କରୁଛି। ପ୍ରଥମେ ପବନରେ ଉଚ୍ଚକୁ ଉଠି ଷ୍ଟଣ୍ଟ କରୁଛି। ଭିଡିଓଟିକୁ ଲୋକେ ଖୁବ୍ ପସନ୍ଦ କରିଛନ୍ତି। କିଛି ଲୋକ ଖେଳମନ୍ତ୍ରୀଙ୍କୁ ଟ୍ୟାଗ କରି ଏହି ପିଲାକୁ ତାଲିମ ଦେବାକୁ ନିବେଦନ ବି କରିଛନ୍ତି।