ଚଣ୍ଡିଗଡ଼,୨୨।୪: ଆଧୁନିକ ଯୁଗରେ ପିଲାଙ୍କ ମଧ୍ୟରେ ଅନଲାଇନ୍ ଗେମ୍ର ନିଶା ବୃଦ୍ଧି ପାଇବାରେ ଲାଗିଛି। ଫଳରେ ଖେଳ ପାଇଁ ନିଜ ଜୀବନକୁ ବାଜି ଲଗାଇବାକୁ ମଧ୍ୟ ପଛଉ ନାହାନ୍ତି। ଏଭଳି ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି ପଞ୍ଜାବର ତରନତାରନର ଶେଖ ଗଁାରେ। ଉକ୍ତ ଗଁ।ର ୧୦ ବର୍ଷର ବାଳକ ହରମନଦୀପଙ୍କୁ ୨୦ ଫୁଟ ଛାତରୁ ଡେଇଁବା ମହଙ୍ଗା ପଡ଼ିଛି। ସୂଚନାଯୋଗ୍ୟ, ହରମନଦୀପ ମୋବାଇଲରେ ଗେମ୍ ଖେଳୁଥିବା ବେଳେ ସ୍ପାଇଡରମ୍ୟାନ ଭଳି ସେ ମଧ୍ୟ ଗୋଟିଏ ଛାତରୁ ଅନ୍ୟ ଛାତକୁ ଡେଇଁପାରିବେ ବୋଲି ଭାବିଥିଲେ। ଏଥିପାଇଁ ସେ ଆଖିରେ ପଟି ବାନ୍ଧି ୨୦ ଫୁଟ ଛାତରୁ ତଳକୁ ଡେଇଁଥିଲେ। ହେଲେ ସ୍ପାଇଡରମ୍ୟାନଙ୍କ ଭଳି ଷ୍ଟଣ୍ଟ କରିବା ପରିବର୍ତ୍ତେ ମୁଣ୍ଡରୁ ଗୋଡ ଯାଏଁ ସମସ୍ତ ହାଡ ଭାଙ୍ଗିଯାଇଛି। ଗୁରୁତର ଅବସ୍ଥାରେ ତାଙ୍କୁ ପରିବାରଲୋକେ ହସ୍ପିଟାଲକୁ ନେଇଥିଲେ। ସେଠାରେ ତାଙ୍କର ମୁଣ୍ଡ, ହାତ ଓ ଗୋଡ଼ରେ ପ୍ଲାଷ୍ଟର ଲାଗିଥିବା ସୂଚନା ମିଳିଛି। ହରମନଦୀପଙ୍କୁ ସୁସ୍ଥ ହେବା ପାଇଁ ପ୍ରାୟ ୬ମାସ ଲାଗିବ ବୋଲି ଡାକ୍ତର କହିଛନ୍ତି।
