ୱାଶିଂଟନ୍: ନିକଟରେ ଜଣେ ୬ ବର୍ଷୀୟ ବାଳକ ଏକ ଖାଦ୍ୟ ଡେଲିଭରି କମ୍ପାନୀରୁ ୧ ଲକ୍ଷ ଟଙ୍କାର ଖାଦ୍ୟ ଅର୍ଡର କରିଥିବା ଜଣାପଡ଼ିଛି। ଆମେରିକା ମିଚିଗାନ୍ରେ ରହୁଥିବା କିଥ୍ ଷ୍ଟୋନ୍ହାଉସ୍ ତାଙ୍କ ପୁଅର ଏପରି କାଣ୍ଡ ବିଷୟରେ ଫେସ୍ବୁକ୍ରେ ସୂଚନା ଦେଇଛନ୍ତି। ଗତ ଶନିବାର ରାତିରେ କିଥ୍ଙ୍କ ଘରର ଡୋର ବେଲ୍ ବାରମ୍ବାର ବାଜିବା ଏବଂ ଖାଦ୍ୟ ଅର୍ଡର ଆସିବା ପରେ ସେ ଏନେଇ ଜାଣିବାକୁ ପାଇଥିଲେ। ସେହିଦିନ ସାରେ କିଥ୍ଙ୍କ ସ୍ତ୍ରୀ ତାଙ୍କ ସାଙ୍ଗଙ୍କ ସହ ବାହାରକୁ ମୁଭି ଦେଖିବାକୁ ଯାଇଥିଲେ। ଘରେ କିଥ୍ ଏବଂ ତାଙ୍କ ୬ ବର୍ଷର ପୁଅ ଥିଲେ। କିଥ୍ ପୁଅକୁ ଖେଳିବାକୁ ତାଙ୍କ ଫୋନ ଦେଇଥିଲେ। ହେଲେ ପୁଅ ଖେଳ ଖେଳରେ ଖାଦ୍ୟ ଡେଲିଭରି କମ୍ପାନୀ ଗ୍ରୁବୁବ୍ରୁ ବହୁତସାରା ଖାଦ୍ୟ ଅର୍ଡର କରିଥିଲେ, ଯାହାର ମୂଲ୍ୟ ପାଖାପାଖି ୧ ଲକ୍ଷ ଟଙ୍କା ହେବ। ଏହାର କିଛି ସମୟ ପରେ ତାଙ୍କ ଘର ଆଗରେ ଅନେକ ଗାଡ଼ି ଏବଂ ଡୋରବେଲ୍ ବାଜିବାକୁ ଲାଗିଥିଲା। ଡୋର ଖୋଲିବା ବେଳକୁ ଅନେକଗୁଡ଼ିଏ ଖାଦ୍ୟ ପୁଡ଼ିଆ ଆସିଥିବା ଦେଖିବାକୁ ପାଇଥିଲେ। କିଥ୍ ପୁଅଙ୍କୁ ଏ ବିଷୟରେ ପଚାରିବାରୁ ସତ ଘଟଣା ଜାଣିବାକୁ ପାଇଥିଲେ।