କୁହାଯାଏ, ପ୍ରେମ ଶାଶ୍ୱତ। ପ୍ରକୃତ ପ୍ରେମ କେବେ ହାରେନା। ଏମିତି ଏକ ପ୍ରେମ କାହାଣୀ ବ୍ରିଟେନରେ ଦେଖିବାକୁ ମିଳିଛି। ପେନି ଉମ୍ବର୍ସ ଏବଂ ମାର୍କ ବେଥେଲଙ୍କ ପ୍ରେମ କାହାଣୀ ବେଶ୍ ନିଆରା। ପେନି ଉମ୍ବର୍ସ ଏବଂ ମାର୍କ ବେଥେଲଙ୍କ ପ୍ରେମ କାହାଣୀ ୧୯୭୦ ଦଶକରେ ଆରମ୍ଭ ହୋଇଥିଲା। ସେତେବେଳେ ପେନିଙ୍କୁ ୧୬ ବର୍ଷ ଏବଂ ମାର୍କଙ୍କୁ ୧୭ ବର୍ଷ ବୟସ ହୋଇଥିଲା। ଉଭୟ ଏକ ବୋର୍ଡିଂ ସ୍କୁଲରେ ଏକାଠି ଅଧ୍ୟୟନ କରିଥିଲେ। ସେମାନେ ପରସ୍ପରକୁ ଭଲ ପାଉଥିଲେ, କିନ୍ତୁ ପେନିଙ୍କ ବାପ କାରିବିଆନ ପୁଅକୁ ଆଦୌ ପସନ୍ଦ କରୁ ନ ଥିଲେ। ସେ ମାର୍କଙ୍କୁ ତାଙ୍କ ଝିଅ ସହିତ ସମ୍ପର୍କ ଶେଷ କରିବାକୁ କହିଥିଲେ ଏବଂ ଯଦି ସେ ଏହା ନ କରନ୍ତି ତେବେ ତାଙ୍କ ଛାତ୍ରବୃତ୍ତିରୁ ବାତିଲ କରିଦେବେ ବୋଲି ଧମକ ଦେଇଥିଲେ। ଜାତିଭେଦ ହେତୁ ସେମାନଙ୍କ ମା’-ବାପା ସେମାନଙ୍କୁ ପରସ୍ପରଠାରୁ ଅଲଗା ହେବାକୁ ବାଧ୍ୟ କରିଥିଲେ। ପେନି ଉମ୍ବର୍ସଙ୍କୁ ୧୬ ବର୍ଷ ବୟସ ହୋଇଥିବାବେଳେ ସେ ତାଙ୍କ ପ୍ରେମିକ ମାର୍କ ବେଥେଲଙ୍କଠାରୁ ଅଲଗା ହୋଇଯାଇଥିଲେ। ଏହି ଘଟଣା ପରେ ପେନି ଉମ୍ବର୍ସ ବିବାହ କରିଥିଲେ ଏବଂ ସେମାନେ ଦୁଇଥର ଛାଡପତ୍ର ହୋଇଥିଲା। ମାର୍କ ତାଙ୍କର ଡିଗ୍ରୀ ସମାପ୍ତ କରି ହୋଟେଲ ପରିଚାଳନାରେ ନିଜର କ୍ୟାରିଅର୍ ଗଢିଥିଲେ। ସେମାନେ ଅଲଗା ଅଲଗା ଜୀବନରେ ଥିଲେ ମଧ୍ୟ ତାଙ୍କର ପୁରୁଣା ପ୍ରେମ ଶେଷ ହୋଇ ନ ଥିଲା। ୨୦୧୯ରେ ଉଭୟ ଫେସବୁକ ମାଧ୍ୟମରେ ସାକ୍ଷାତ ହୋଇଥିଲେ। ଉଭୟ ପରସ୍ପରକୁ ଚିହ୍ନିଥିଲେ ଏବଂ ସେମାନଙ୍କର ବାର୍ତ୍ତାଳାପ ଆରମ୍ଭ ହୋଇଥିଲା। କିନ୍ତୁ ୪ ଦଶନ୍ଧି ପରେ ଉଭୟ ପୁଣି ଏକାଠି ହୋଇଛନ୍ତି। ୬୦ ବର୍ଷ ବୟସରେ ଉଭୟ ପୁଣି ଥରେ ସାକ୍ଷାତ ହୋଇଛନ୍ତି। ଏବେ ଦୁହେଁ ବିବାହ କରି ବାକି ଜୀବନ ବିତାଇବାକୁ ନିଷ୍ପତ୍ତି ନେଇଛନ୍ତି।