କେନ୍ଦୁଝର,୧୩ା୧୨(ସ୍ବ.ପ୍ର.): କେନ୍ଦୁଝର ଜିଲା ସଦର ଥାନା ଅନ୍ତର୍ଗତ ରାଇସୁଆଁ ଗ୍ରାମରେ ଜିପ୍ ଧକ୍କାରେ ଶିଶୁ ମୃତ୍ୟୁ ଘଟଣାରେ ପୋଲିସ ଜଣେ କନଷ୍ଟେବଳଙ୍କୁ ଗିରଫ କରିଛି। ଗିରଫ କନେଷ୍ଟବଳ ହେଲେ ଜ୍ଞାନରଞ୍ଜନ ସାହୁ।
ଜ୍ଞାନରଞ୍ଜନ ଗାଡ଼ି ଚଳାଇବା ଶିଖୁଥିବା ବେଳେ ସ୍କୁଟିକୁ ଧକ୍କା ଦେଇଥିଲେ। ଏହି ଦୁର୍ଘଟଣାରେ ଶିଶୁପୁତ୍ର ଅନିକେତ ମନ୍ତ୍ରୀ (୨)ଙ୍କ ମୃତ୍ୟୁ ଘଟିଥିଲା। ସେହିଭଳି ଅନ୍ୟ ଜଣେ ଆହତ ହୋଇଥିଲେ। ଘଟଣାରେ ପୋଲିସ କେସ ନଂ. ୫୦୪/୨୦୨୨ରେ ମାମଲା ରୁଜୁ କରି ମଙ୍ଗଳବାର ଅଭିଯୁକ୍ତ କନଷ୍ଟେବଳଙ୍କୁ କୋର୍ଟଚାଲାଣ କରିଥିବା ଏସ୍ଆଇ କେଶବ ବାଗ ସୂଚନା ଦେଇଛନ୍ତି।