ବେଜିଂ,୨୭।୧: କରୋନା ସଂକ୍ରମଣରେ ପ୍ରାଣ ହରାଇଥିବା ଜଣେ ବ୍ୟକ୍ତିଙ୍କ ପୁଅ ଚାଇନାର ଉହାନ ସହରରେ ପହଞ୍ଚିଥିବା ବିଶ୍ୱ ସ୍ବାସ୍ଥ୍ୟ ସଂଗଠନ (ଡବ୍ଲୁଏଚ୍ଓ) ଦଳକୁ ଭେଟିବାକୁ ଚେଷ୍ଟା କରିଛନ୍ତି। ଏହି ବ୍ୟକ୍ତି ଜଣକ କହିଛନ୍ତି ଯେ, ଡବ୍ଲୁଏଚ୍ଓ ବିଶେଷଜ୍ଞ ଦଳ ପ୍ରଭାବିତ ପରିବାରକୁ ଭେଟିବା ଉଚିତ। କାରଣ ଚାଇନା ସରକାର କରୋନା ପ୍ରଭାବିତଙ୍କ ସ୍ବରକୁ ଦମନ କରିବାକୁ ପ୍ରୟାସ କରୁଛନ୍ତି। ମାସେ ଧରି ବୁଝାମଣା ପରେ ଚାଇନା ଡବ୍ଲୁଏଚ୍ଓ ଦଳକୁ ଉହାନ ସହର ପରିଦର୍ଶନ କରିବାକୁ ଅନୁମତି ଦେଇଛି। ଉହାନ ସହରରେ କରୋନା ଭୂତାଣୁ ସଂକ୍ରମଣ ହୋଇଥିଲା। ସୂଚନାଯୋଗ୍ୟ ଯେ, ଡବ୍ଲୁଏଚ୍ଓ ବିଶେଷଜ୍ଞମାନଙ୍କୁ ପ୍ରମାଣ ସଂଗ୍ରହ କରିବାକୁ କିମ୍ବା ପ୍ରଭାବିତ ପରିବାରକୁ ଦେଖା କରିବାକୁ ଅନୁମତି ଦିଆଯିବ କି ନାହିଁ ଏପର୍ଯ୍ୟନ୍ତ ଚାଇନା ସରକାର ସ୍ପଷ୍ଟ କରିଛନ୍ତି। ଡବ୍ଲୁଏଚ୍ଓ ଦଳକୁ ଭେଟିବାକୁ ଚାହୁଁଥିବା ଝାଙ୍ଗ ହାଇ କହିଛନ୍ତି ଯେ ମୁଁ ଆଶା କରୁଛି ଯେ ବିଶେଷଜ୍ଞମାନେ ମିଥ୍ୟା ପ୍ରଚାର କରିବାର ମାଧ୍ୟମ ହେବେ ନାହିଁ। ଫେବୃଆରୀ ୧, ୨୦୨୦ରେ ଝାଙ୍ଗଙ୍କ ପିତା କରୋନା ସଂକ୍ରମଣରେ ମୃତ୍ୟୁବରଣ କରିଥିଲେ।
