ବେଜିଂ,୩୧ ।୧୨: ଚାଇନାକୁ ଫେରିଥିବା କରୋନା ସଂକ୍ରମଣକୁ ନେଇ ବିଶ୍ୱର ସମସ୍ତ ଦେଶ ଚିନ୍ତିତ ହୋଇ ପଡିଥିବା ବେଳେ ଚାଇନା ତା’ର ବୈଦେଶିକ ମନ୍ତ୍ରୀଙ୍କୁ ବଦଳାଇ ଦେଇଛି । ସି ଜିନପିଙ୍ଗ ସରକାରରେ ଏବେ ପର୍ଯ୍ୟନ୍ତ ବୈଦେଶିକ ମନ୍ତ୍ରଣାଳୟ ସମ୍ଭାଳିଥିବା ୱାଂଗ ଇଙ୍କ ସ୍ଥାନରେ ଆମେରିକାରେ ଚାଇନାର ରାଷ୍ଟ୍ରଦୂତ ଥିବା ଚିନ ଗୌଂଗଙ୍କୁ ନୂଆ ବୈଦେଶକ ମନ୍ତ୍ରୀ ଭାବେ ନିଯୁକ୍ତି ମିଳିଛି । ଚିନ ଗ୍ୟାଂଗ ବୈଦେଶିକ ମନ୍ତ୍ରଣାଳୟର ପ୍ରବକ୍ତା ଭାବେ ବି କାମ କରିସାରିଛନ୍ତି । ବର୍ତ୍ତମାନ ସେ ଆମେରିକାର ଚାଇନା ରାଷ୍ଟ୍ରଦୂତ ଭାବେ ସେବା ଦେଉଛନ୍ତି ।
ଚାଇନା କୁମ୍ୟନିଷ୍ଟ ପାର୍ଟିର ମୁଖ୍ୟ ନୀତିନିକାୟ ରାଜନୈତିକ ବ୍ୟୁରୋ ଚିନଙ୍କ ପଦନ୍ନୋତିକୁ ମଞ୍ଜୁରୀ ଦେଇଛନ୍ତି । ଏବେ ପର୍ଯ୍ୟନ୍ତ ଏହା ସ୍ପଷ୍ଟ ହୋଇନାହିଁ ଯେ ୫୬ ବର୍ଷୀୟ ଚିନ ତତ୍କାଳ ପଦ ସମ୍ଭାଳିବେ ନା ନାହିଁ । ଏପଟେ ୬୯ ବର୍ଷିୟ ୱାଂଗଙ୍କୁ ସିପସିର ଉଚ୍ଚାଧିକାରୀ ପ୍ରାପ୍ତ ରାଜନୈତିକ ବ୍ୟୁରୋରେ ପଦୋନ୍ନତି ଦିଆଯାଇଛି । ଏହାଦ୍ୱାରା ସେ ଦେଶର ଶ୍ରେଷ୍ଠ ରାଜନେତା ହୋଇଯାଇଛନ୍ତି ।
