ବେଜିଂ,୩୦ ।୧୦: ଗୋଟିଏ ପଟେ ଭାରତ ସହ ଶାନ୍ତି କଥାବାର୍ତ୍ତା କରୁଥିବା ଚାଇନା କିନ୍ତୁ ଲଦ୍ଦାଖ ସୀମାରେ ସେନାକୁ ମଜଭୁତ କରିବାରେ ଲାଗିଛି । ଆଗକୁ ପ୍ରବଳ ଥଣ୍ଡାକୁ ଲକ୍ଷ୍ୟ କରି ଚାଇନାର ଜିନପିଙ୍ଗ ସରକାର ଏବେ ଳଦ୍ଦାଖ ଓ ସେହିଭଳି ହାଇ ଅଲଟିଚ୍ୟୁଡ ଅଞ୍ଚଳରେ ଥିବା ସେନାଙ୍କ ପାଇଁ ସ୍ୱତନ୍ତ୍ର ଉପକରଣ ଯେପରିକି ଜୋତା, ପୋଷାକ, ଟେଣ୍ଟ ଆଦି ଯୋଗାଇ ଦେଇଥିବା ଜଣାପଡିଛି । ଏହା ମିଳିବା ପରେ ଚାଇନା ସେନା କେବଳ ଯେ ଥଣ୍ଡା ଦାଉରୁ ରକ୍ଷା ପାଇବେ ତା’ନୁହେଁ ବରଂ ଯୁଦ୍ଧ ପାଇଁ ମଧ୍ୟ ପ୍ରସ୍ତୁତ ହୋଇ ପାରିବେ ବୋଲି କୁହାଯାଉଛି । ଚାଇନାର ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି କି ହାଇ ଅଲଟିଚ୍ୟୁଡରେ ରହିଥିବା ସେନାଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ଆହୁରି ମଧ୍ୟ କୁହାଯାଉଛି କି ଚାଇନା କମ୍ୟୁନିଷ୍ଟ ପାର୍ଟିର ନିର୍ଦ୍ଦେଶ ରହିଛି ଯେ ଲଦ୍ଦାଖ ସୀମାରେ ଥିବା ସେନା ଇଞ୍ଚେ ବି ପଛକୁ ଯେମିତି ନ ଘୁଞ୍ଚନ୍ତି । ଚାଇନା ମାଇନସ୍ ୪୦ ଡିଗ୍ରୀ ତାପମାତ୍ରାରେ ବି ପଛକୁ ନ ହଟିବାକୁ କହିଥିବା ସୂଚନା ରହିଛି ।