ଚାଇନା ସେନା ବିକଶିତ କରୁଛନ୍ତି ମସ୍ତିଷ୍କକୁ ଆଘାତ କରିପାରିବା ଭଳି ଅସ୍ତ୍ର, ବିଶ୍ୱ ପାଇଁ ହୋଇପାରେ ସତର୍କ ଘଣ୍ଟି

ବେଜିଂ,୮।୭: କମ୍ୟୁନିଷ୍ଟ ପାର୍ଟି ଅଫ ଚାଇନା (ସିସିପି) ଏବଂ ଚାଇନା ସେନାବାହିନୀ ବର୍ତ୍ତମାନ ଏକ ନୂତନ ପ୍ରକାରର ଜୈବିକ ଅସ୍ତ୍ର ପ୍ରସ୍ତୁତ କରୁଛନ୍ତି। ଏହି ଅସ୍ତ୍ର ସମଗ୍ର ବିଶ୍ୱ ପାଇଁ ଏକ ବଡ଼ ବିପଦ ସୃଷ୍ଟି କରିବ ବୋଲି ଆଶା କରାଯାଉଛି। ରିପୋର୍ଟ ଅନୁଯାୟୀ, ଚାଇନା ସେନା ବର୍ତ୍ତମାନ କିଛି ନ୍ୟୁରୋଷ୍ଟ୍ରାଇକ ଅସ୍ତ୍ର ଅର୍ଥାତ୍‌ ମସ୍ତିଷ୍କ ଉପରେ ସିଧାସଳଖ ପ୍ରଭାବ ପକାଉଥିବା ଅସ୍ତ୍ର ପ୍ରସ୍ତୁତ କରିଛି। ଏହା କେବଳ ସ୍ତନ୍ୟପାୟୀ ପ୍ରାଣୀମାନଙ୍କର ମସ୍ତିଷ୍କ ଉପରେ ଆକ୍ରମଣ କରିବ ତାହନୁହେଁ ବରଂ ସେମାନଙ୍କର ମସ୍ତିଷ୍କକୁ ମଧ୍ୟ ନିୟନ୍ତ୍ରଣ କରାଯାଇପାରିବ।
ଏବେ ଜାଣିବା ଜରୁରୀ ଯେ କ’ଣ ଏହି ନ୍ୟୁରୋଷ୍ଟ୍ରାଇକ ଅସ୍ତ୍ର। ଏଗୁଡିକୁ କେତେ ବିପଜ୍ଜନକ ବୋଲି ବିବେଚନା କରାଯାଇପାରେ। ପୂର୍ବରୁ କେବେ ଏହାର ବ୍ୟବହାର ହୋଇଛି କି ନା। ମସ୍ତିଷ୍କକୁ ଆକ୍ରମଣ କରି ଏହି ଅସ୍ତ୍ର ଦ୍ୱାରା କ’ଣ ହାସଲ କରାଯାଇପାରିବ।
ବର୍ତ୍ତମାନର ସମୟରେ, ଆମେରିକାର ଶକ୍ତି ଚାଇନା ତୁଳନାରେ ବହୁତ ଅଧିକ। ଏଭଳି ପରିସ୍ଥିତିରେ ଚାଇନା ପାଇଁ ତାଇୱାନ କିମ୍ବା ଦକ୍ଷିଣ ଚୀନ ସାଗରରେ କୌଣସି ପ୍ରକାର ପଦକ୍ଷେପ ନେବା ଅତ୍ୟନ୍ତ କଷ୍ଟକର। ବିଶେଷକରି ପାରମ୍ପାରିକ ଯୁଦ୍ଧ ହେଲେ ଚାଇନାକୁ ବହୁ କଷ୍ଟ ଭୋଗିବାକୁ ପଡିପାରେ। ଏଭଳି ପରିସ୍ଥିତିରେ ଯୁଦ୍ଧକ୍ଷେତ୍ରରେ ପ୍ରମୁଖ ଆକ୍ରମଣ ପାଇଁ ଏହି ଅସ୍ତ୍ରଗୁଡିକ ସ୍ବତନ୍ତ୍ର ଭାବେ ପ୍ରସ୍ତୁତ କରାଯାଇଛି।
ଯଦି ଏହି ଅସ୍ତ୍ରଶସ୍ତ୍ର ବ୍ୟବହାର କରାଯାଏ, ଚାଇନା କେବଳ ତାଇୱାନକୁ କାବୁ କରିବାରେ ସକ୍ଷମ ହୋଇପାରିବ ନାହିଁ, ବରଂ ଏହାକୁ ବଞ୍ଚାଇବାକୁ ଚେଷ୍ଟା କରୁଥିବା ଆମେରିକାର କୂଟନୈତିକ ବିକଳ୍ପକୁ ମଧ୍ୟ ଦୁର୍ବଳ କରିପାରେ। କେବଳ ଏତିକି ନୁହେଁ ଚାଇନା ଏହି ସମଗ୍ର ଅଞ୍ଚଳରେ ଏହି ଅସ୍ତ୍ର ମାଧ୍ୟମରେ ଅନ୍ୟ ଦେଶ ପାଇଁ ବଡ ସମସ୍ୟା ସୃଷ୍ଟି କରିପାରିବ।