ଶ୍ରୀନଗର/ବେଜିଂ,୨୦।୫: ଭାରତ ଏଥର ଜି -୨୦ର ଅଧ୍ୟକ୍ଷତା କରୁଛି। ଏହି କ୍ରମରେ ଭାରତ ୨୨ ମେ’ରୁ ଜୁନ ୧୪ ତାରିଖ ପର୍ଯ୍ୟନ୍ତ କଶ୍ମୀରର ଶ୍ରୀନଗରରେ ଜି -୨୦ ବୈଠକ ଆୟୋଜନ କରିବାକୁ ଯାଉଛି। ଭାରତର ଏହି ଆୟୋଜନକୁ ଚାଇନା ତୀବ୍ର ବିରୋଧ କରୁଛି। ଚାଇନା ବୈଦେଶିକ ମନ୍ତ୍ରଣାଳୟର ମୁଖପାତ୍ର ୱାଙ୍ଗ ୱେନବିନ କହିଛନ୍ତି, ବିବାଦୀୟ ଅଞ୍ଚଳରେ କୌଣସି ପ୍ରକାରର ଜି -୨୦ ବୈଠକ କରିବାକୁ ଚାଇନା ଦୃଢ ବିରୋଧ କରୁଛି। ଆମେ ଏଭଳି ବୈଠକରେ ସାମିଲ ହେବୁ ନାହିଁ।
ଏହାପୂର୍ବରୁ ପାକିସ୍ତାନ ମଧ୍ୟ ଶ୍ରୀନଗରରେ ଅନୁଷ୍ଠିତ ହେବାକୁ ଥିବା ଜି -୨୦ ବୈଠକ ଉପରେ କହିଛି, ଏହା ଅନ୍ତର୍ଜାତୀୟ ଆଇନର ନୀତି ଉଲ୍ଲଂଘନ। ଜମ୍ମୁ-କଶ୍ମୀରକୁ ବେଆଇନ ଦଖଲକୁ ବଜାୟ ରଖିବା ପାଇଁ ଭାରତର ଦାୟିିତ୍ୱ ହୀନ ପଦକ୍ଷେପ।
କେନ୍ଦ୍ର ମନ୍ତ୍ରୀ ଜିତେନ୍ଦ୍ର ସିଂ ବୁଧବାର କହିଛନ୍ତି, ଶ୍ରୀନଗରରେ ଜି -୨୦ ବୈଠକ ଜମ୍ମୁ-କଶ୍ମୀର ପାଇଁ ଏହାର ପ୍ରକୃତ ସମ୍ଭାବନା ଦେଖାଇବା ପାଇଁ ଏକ ବଡ଼ ସୁଯୋଗ। ଶ୍ରୀନଗରରେ ଏପରି ଏକ ଆନ୍ତର୍ଜାତୀୟ କାର୍ଯ୍ୟକ୍ରମ ଦେଶ ତଥା ବିଶ୍ୱକୁ ଏକ ସକରାତ୍ମକ ବାର୍ତ୍ତା ପଠାଇବ।