ବନ୍ଧୁକ ମୂନରେ ଲୋକଙ୍କୁ କରୋନା ମାର୍ଗଦର୍ଶିକା ପାଳନ କରିବାକୁ ବାଧ୍ୟ କରୁଛି ଚାଇନା…

ବେଜିଂ,୧୯।୧୦ : କରୋନା ଭୂତାଣୁ ସଂକ୍ରମଣ ଧୀରେ ଧୀରେ ସମଗ୍ର ବିଶ୍ୱରୁ ଅପସରି ଯାଉଥିବାବେଳେ ଚାଇନାରେ ପୁଣି ଏହା ଯୋଗୁ ବିପର୍ଯ୍ୟୟ ସୃଷ୍ଟି ହୋଇଛି। ଚାଇନା ଯଥାସମ୍ଭବ ଚେଷ୍ଟା କରୁଛି, କିନ୍ତୁ ସଂକ୍ରମଣ ନିୟନ୍ତ୍ରଣକୁ ଆସୁନାହିଁ। ନିୟନ୍ତ୍ରଣ କରିବା ପାଇଁ ଚାଇନା ମଧ୍ୟ ଏକ ଶୂନ କୋଭିଡ ନୀତି କାର୍ଯ୍ୟକାରୀ କରିଥିଲା। ତେବେ ଏହା ଦ୍ୱାରା ସଂକ୍ରମଣ ନିୟନ୍ତ୍ରିତ ହୋଇ ନଥିଲା। ମାତ୍ର ଚାଇନାବାସୀ ଏଥିରେ ବିରକ୍ତ ହୋଇଥିଲେ। ବର୍ତ୍ତମାନ ଚାଇନା ଲୋକଙ୍କର କରୋନା ମାର୍ଗଦର୍ଶିକା ପାଳନ କରିବାକୁ ନେଇ ଧର୍ଯ୍ୟ ଭାଙ୍ଗିବା ଆରମ୍ଭ କରିଛି। ଜନସାଧାରଣଙ୍କ ଉପରେ ଜିରୋ କୋଭିଡ ନୀତିକୁ ବାଧ୍ୟତାମୂଳକ କରିବାକୁ ଚାଇନା ବର୍ତ୍ତମାନ ବନ୍ଧୁକ ଦେଖାଇ ଲୋକଙ୍କ ଡରାଇ ଧମକାଇବା ଆରମ୍ଭ କରିଛି।

ଏନେଇ ସୋସିଆଲ ମିଡିଆରେ ଏକ ଭିଡିଓ ସାମ୍ନାକୁ ଆସିଛି। ଏହା ଜିଶୁଆଙ୍ଗବନ୍ନା ବିମାନବନ୍ଦରର ବୋଲି କୁହାଯାଉଛି। ଲୋକଙ୍କୁ ଶୂନ କୋଭିଡ ନୀତି ଅନୁସରଣ କରିବାକୁ ପିପିଏ କିଟରେ କର୍ମଚାରୀ ଅଛନ୍ତି। ସେମାନଙ୍କ ହାତରେ ବନ୍ଧୁକ ଅଛି। ସେମାନେ ଲୋକଙ୍କୁ ଶୂନ କୋଭିଡ ନୀତି ଅନୁସରଣ କରିବାକୁ କହୁଛନ୍ତି। ଲୋକମାନେ ଏହାକୁ ନେଇ ପାଟିତୁଣ୍ଡ କରୁଛନ୍ତି। ଲୋକେ ସେମାନଙ୍କୁ ପଚାରୁଛନ୍ତି କି ସେମାନଙ୍କୁ ସୁରକ୍ଷା ଦେବା କର୍ମଚାରୀଙ୍କର ଦାୟିତ୍ୱ ନୁହେଁ କି? ଏଥି ସହିତ, ଅନ୍ୟ ଏକ ଭିଡିଓରେ, ଲୋକଙ୍କ ସାମ୍ନାରେ ପୋଲିସ ଫୋର୍ସର ଭିଡ ଦେଖିବାକୁ ମିଳିଛି।

ଚାଇନାର ଜନସାଧାରଣ ଶୂନ କୋଭିଡ ନୀତି ବିରୁଦ୍ଧରେ ଅଛନ୍ତି। ଏହାର ସବୁଠାରୁ ବଡ ଉଦାହରଣ ଯେତେବେଳେ ବେଜିଂରେ ଏହା ବିରୁଦ୍ଧରେ ପୋଷ୍ଟର ଲଗାଯାଇଥିଲା । ବେଜିଂର ଉତ୍ତର-ପଶ୍ଚିମ ଜିଲ୍ଲା ହାଜିୟାନର ଏକ ବ୍ରିଜ ଉପରେ ଦୁଇଟି ବ୍ୟାନର ଲଗାଯାଇଥିଲା। ବ୍ୟାନର ଲଗାଇବା ପରେ ଜଣଙ୍କୁ ଗିରଫ କରାଯାଇଥିଲା। ତେବେ ସରକାର ଏହା ନିଶ୍ଚିତ କରିନାହାଁନ୍ତି। ଘଟଣାର ଫଟୋ ଏବଂ ଭିଡିଓ ଚାଇନାର ସୋସିଆଲ ମିଡିଆରେ ପ୍ରକାଶ ପାଇଲା, କିନ୍ତୁ ତାକୁ ଶୀଘ୍ର ହଟାଯାଇଥିଲା।

ଶୂନ-କୋଭିଡ ନୀତି ବିରୋଧରେ ସ୍ଲୋଗାନଗୁଡିକ ଶେନଝେନ, ସାଂଘାଇ, ବେଜିଂ, ଗୁଆଙ୍ଗଜୋ, ଏବଂ ହଂକଂରେ ମଧ୍ୟ ପ୍ରକାଶ ପାଇଛି। ଅଧିକାଂଶ ସ୍ଲୋଗାନଗୁଡ଼ିକ ସିସିଟିଭି କ୍ୟାମେରାଠାରୁ ଦୂରରେ ଥିବା ସର୍ବସାଧାରଣ ଶୌଚାଳୟର କାନ୍ଥରେ ଲେଖାଯାଇଛି। ଲୋକଙ୍କର ଅସନ୍ତୋଷ ଦେଖାଇବା ପାଇଁ ଶୌଚାଳୟ ଏକ ସ୍ବତନ୍ତ୍ର ସୁରକ୍ଷିତ ସ୍ଥାନ ପାଲଟିଛି। କାରଣ ଚାଇନାର ଜନସାଧାରଣଙ୍କ ଉପରେ ନଜର ରଖିବା ପାଇଁ ସବୁ ସ୍ଥାନରେ କ୍ୟାମେରା ଲଗାଯାଇଛି।