ତାଇପେ,୧୯ା୩: ଚାଇନା ପୁଣି ଥରେ ତାଇଓ୍ବାନରେ ଅନୁପ୍ରବେଶ କରିବାକୁ ଚେଷ୍ଟା କରିଛି। ତାଇଓ୍ବାନର ଜାତୀୟ ପ୍ରତିରକ୍ଷା ମନ୍ତ୍ରଣାଳୟ ମାର୍ଚ୍ଚ ୧୭ରୁ ୧୮ମଧ୍ୟରେ ଅତି କମ୍ରେ ୨୬ଟି ଚାଇନା ସାମରିକ ବିମାନ ଏବଂ ୪ଟି ନୌସେନା ଜାହାଜ ଚିହ୍ନଟ କରିଛି।
ପ୍ରତିରକ୍ଷା ମନ୍ତ୍ରଣାଳୟ ଅନୁଯାୟୀ, ୪ଟି ଚେଙ୍ଗଡୁ ଜେ -୧୦ ଯୁଦ୍ଧବିମାନ, ୪ ଶେନ୍ୟାଙ୍ଗ ଜେ-୧୬ ଯୁଦ୍ଧବିମାନ, ଗୋଟିଏ ସିଏଚ୍-୪ ଅନୁସନ୍ଧାନକାରୀ ଡ୍ରୋନ ଏବଂ ଗୋଟିଏ ହରବିନ ବିଜେଡ୍କେ-୦୦୫ ଅନୁସନ୍ଧାନକାରୀ ଡ୍ରୋନ, ତାଇଓ୍ବାନ ଷ୍ଟ୍ରେଟ୍ ମଧ୍ୟମା ଲାଇନ ପାର ହୋଇ ଯାଇଥିଲେ। ହରବିନର ଅନ୍ୟ ଏକ ଅନୁସନ୍ଧାନ ଡ୍ରୋନ ତାଇଓ୍ବାନର ଏଡିଆଜେଡ୍ର ଦକ୍ଷିଣ ପାର୍ଶ୍ୱରେ ଉଡ଼ାଣ କରିଥିଲା।