ବେଜିଂ,୨୫।୬: ଚାଇନାର ରଣନୈତିକ ଭାବେ ମହତ୍ୱପୂର୍ଣ୍ଣ ଥିବା ହିମାଳୟର ତିବ୍ବତ ଅଞ୍ଚଳରେ ଚାଇନା ପ୍ରଥମ ଇଲେକ୍ଟ୍ରୋନିକ୍ ବୁଲେଟ ଟ୍ରେନ୍ ଆରମ୍ଭ କରିଛି। ଶୁକ୍ରବାର ଏହି ଟ୍ରେନ୍ ଆରମ୍ଭ ହୋଇଥିବା ବେଳେ ଏହା ତିବ୍ବତର ପ୍ରାଦେଶିକ ରାଜଧାନୀ ଲହସା ଓ ଅରୁଣାଞ୍ଚଳ ପ୍ରଦେଶ ସୀମା ନିକଟର୍ତ୍ତି ସହର ନ୍ୟଙ୍ଗ୍ଚିକୁ ଯୋଡ଼ିବ ବୋଲି ଜଣାପଡ଼ିଛି। ସିଚୁଆନ-ତିବ୍ବତ ରେଳ ଅଧିନରେ ଥିବା ୪୩୫.୫ କିଲୋମିଟର ଲମ୍ବା ଲହସା ଓ ନ୍ୟଙ୍ଗ୍ଚି ବିଭାଗକୁ କମ୍ୟୁନିଷ୍ଟ ପାର୍ଟି ଅଫ୍ ଚାଇନା(ସିପିସି)ର ଶତବାର୍ଷିକୀ ଜୁଲାଇ ୧ପୂର୍ବରୁ ଉଦ୍ଘାଟନ କରାଯାଇଛି। ତେବେ କିଙ୍ଘଇ-ତିବ୍ବତ ରେଲଓ୍ବେ ପରେ ସିଚୁଆନ-ତିବ୍ବତରେ ଏହା ଦ୍ୱିତୀୟ ରେଳ ହେବ। ଏହି ଟ୍ରେନ୍ କିଙ୍ଘଇ-ତିବ୍ବତ ପଠାରର ଦକ୍ଷିଣ-ପୂର୍ବ ଦେଇ ଯାତାୟତ କରିବ। ଯାହାକୁ ବିଶ୍ୱର ଅନ୍ୟତମ ଭୌଗୋଳିକ ସକ୍ରିୟ ଅଞ୍ଚଳ ବୋଲି କୁହାଯାଏ।
