ନ୍ୟୁୟର୍କ,୬।୩: ଆମେରିକାର ପୂର୍ବତନ ପ୍ରତିରକ୍ଷା ସଚିବ ଜିମ ମ୍ୟାଟିସ ଏକ ବଡ଼ ଖୁଲାସା କରିଛନ୍ତି। ୟୁକ୍ରେନ ଯୁଦ୍ଧ ଦ୍ୱାରା ଉତ୍ସାହିତ ହୋଇ ଚାଇନା ମଧ୍ୟ ଭାରତ ଉପରେ ଆକ୍ରମଣ କରିପାରେ ବୋଲି ମ୍ୟାଟିସ୍ ଭବିଷ୍ୟବାଣୀ କରିଛନ୍ତି। ମ୍ୟାଟିସ କହିଛନ୍ତି, ୟୁକ୍ରେନ ଯୁଦ୍ଧ ଉପରେ ଚାଇନା ତୀକ୍ଷ୍ଣ ନଜର ରଖିଛି ଏବଂ ଯଦି ରୁଷିଆ ୟୁକ୍ରେନରେ ସଫଳ ହୁଏ ତେବେ ଚାଇନା ମଧ୍ୟ ଏଲଏସି ଉପରେ ଭାରତ ଉପରେ ଆକ୍ରମଣ କରିବାକୁ ଉତ୍ସାହିତ ହୋଇପାରେ। ରାଇସିନା ଡାଏଲଗର ଅଷ୍ଟମ ସଂସ୍କରଣର ଏକ କାର୍ଯ୍ୟକ୍ରମରେ ଭାଷଣ ଦେବାବେଳେ ଆମେରିକାର ମ୍ୟାଟିସ ଏହି ଦାବି କରିଛନ୍ତି।
ଜିମ ମ୍ୟାଟିସ୍ଙ୍କୁ ପଚରାଯାଇଥିଲା କି ଚାଇନାକୁ ସାମ୍ନା କରିବାକୁ ଆମେରିକା ପ୍ରସ୍ତୁତ କି? ଏହାର ଜବାବରେ ମ୍ୟାଟିସ କହିଛନ୍ତି, ଏଥିରେ କୌଣସି ସନ୍ଦେହ ନାହିଁ ଯେ ଚାଇନା ପ୍ରସ୍ତୁତ ଅଛି। ରୁଷିଆ ବିରୋଧରେ ୟୁକ୍ରେନକୁ ଆମେରିକା ସହାୟତା ଜାରି ରଖିବ। ଚାଇନା ଏହା ଉପରେ ନଜର ରଖିଛି ଯେ, ଯଦି ୟୁକ୍ରେନରେ ରୁଷିଆ ସଫଳତା ପାଏ, ତେବେ ଚାଇନା କାହିଁକି ଭାରତ ବିରୋଧରେ ତାହା କରିପାରିବ ନାହିଁ। ତିନି ସପ୍ତାହ ମଧ୍ୟରେ ରୁଷିଆ ୟୁକ୍ରେନ ବିପକ୍ଷରେ ଜିତିଥାନ୍ତା, କିନ୍ତୁ ପାଶ୍ଚାତ୍ୟ ଦେଶମାନଙ୍କ ସହାୟତାରେ ୟୁକ୍ରେନ ରୁଷିଆକୁ ପଛକୁ ଯିବାକୁ ବାଧ୍ୟ କରିଛି।
