ନୂଆଦିଲ୍ଲୀ,୪।୯: ୧୯୬୨ରେ ଭାରତ ଏବଂ ଚୀନ ମଧ୍ୟରେ ଯୁଦ୍ଧ ହୋଇଥିଲା। ହେଲେ ସେତେବେଳେ ଉଭୟ ଦେଶ ପରମାଣୁଶକ୍ତି ସମ୍ପନ୍ନ ନ ଥିଲେ। ଏବେ ପରିସ୍ଥିତି ଓଲଟା। ୫୮ ବର୍ଷ ମଧ୍ୟରେ ପରମାଣୁ ହତିଆର ଭରପୂର ଉଭୟ ଦେଶ। ଏପରିକି ସୈନ୍ୟ ଶକ୍ତି ମାମଲାରେ ଭାରତ ଏବଂ ଚୀନ ବହୁ ଆଗରେ ଅଛନ୍ତି। ବିଶ୍ୱର ବଡ଼ ଏବଂ ମଜଭୂତ ସେନାରେ ଏମାନଙ୍କ ନାମ ଗଣାଯାଏ।
ଡୋକଲାମ ବିବାଦ ସମୟରେ ରକ୍ଷାମନ୍ତ୍ରୀ ଅରୁଣ ଜେଟଲୀ ଚାଇନାକୁ ଇଙ୍ଗୀତ କରି କହିଥିଲେ, ଭାରତ ୧୯୬୨ରୁ ଆଗକୁ ଚାଲିଆସିଛି। ଏଣୁ ଯଦି ଚାଇନା ସହ ଯୁଦ୍ଧ ପରିସ୍ଥିତି ସୃଷ୍ଟି ହୁଏ ତେବେ ଏହା ବେଶ୍ ଭୟାବହ ହେବ ବୋଲି କୁହାଯାଉଛି।
ଅପରପକ୍ଷେ ପାକିସ୍ତାନ ମଧ୍ୟ ଚାଇନାକୁ ସମର୍ଥନ କରିପାରେ। ଜମ୍ମୁ-କଶ୍ମୀରରୁ ୩୭୦ ଧାରା ଉଚ୍ଛେଦ ପରେ ନୂଆ ବିବାଦ ମୁଣ୍ଡଟେକିଛି। ଉଭୟ ଚାଇନା ଏବଂ ପାକିସ୍ତାନ ଏହାକୁ ନେଇ ଆପତ୍ତି ଉଠାଇଛନ୍ତି। ଏଣୁ ନିକଟରେ ଲଦାଖରେ ହୋଇଥିବା ପରିସ୍ଥିତିରେ ପାକିସ୍ତାନ ସାମିଲ ଥିବା କୁହାଯାଉଛି। ଏପରିକି ପାକିସ୍ତାନ ପ୍ରଧାନମନ୍ତ୍ରୀ ଇମରାନ୍ ଖାନ ଦେଶର ଭବିଷ୍ୟତ ଚାଇନା ସହ ରହିଥିବା ନେଇ କହିସାରିଛନ୍ତି। ଏଣୁ ଭାରତ ସହ ଯୁଦ୍ଧ ହେଲେ ପାକିସ୍ତାନ ମଧ୍ୟ ଆଗକୁ ଆସିବ ତାହା ଅନୁମାନ କରାଯାଉଛି।