ବେଜିଂ: ଚାଇନାର ରାଷ୍ଟ୍ରପତି ସି ଜିନପିଙ୍ଗଙ୍କ ବିଷୟରେ କଥା ପଡ଼ିଲେ ଏକ ବିସ୍ତାରବାଦୀ ନେତାଙ୍କ ଛବି ମନକୁ ଆସେ। ପଡୋଶୀ ଦେଶ ସହ ତିକ୍ତତା ଏବଂ ବିଶ୍ୱ ରାଜନୀତିରେ ପ୍ରଭାବ ବିସ୍ତାର କରିବାକୁ ସେ ସର୍ବଦା ଚେଷ୍ଟିତ। ଚାଇନାର କମ୍ୟୁନିଷ୍ଟ ଶାସନରେ ସେ ବିରୋଧୀଙ୍କୁ ଦମନ କରିବା ସହ ହଂକଂକୁ ନେଇ କଡ଼ା ରଣନୀତି ପ୍ରଣୟନ କରିଛନ୍ତି। ବିଶେଷକରି ଘରୋଇ ରାଜନୀତିରେ କଠୋର ମନୋବୃତ୍ତି, ବିଶ୍ୱ ରାଜନୀତିରେ ବିସ୍ତାରବାଦୀ ଏବଂ ସମାଲୋଚକମାନଙ୍କ ପାଇଁ ଅତ୍ୟାଚାରକାରୀ ଭାବେ ବିବେଚନା କରାଯାଉଥିବା ଏହି ବିଶ୍ୱସ୍ତରୀୟ ନେତାଙ୍କ ପ୍ରେମ ଜୀବନ ସେତିକି ରୋମାଞ୍ଚକର।
ଚାଇନାର ଘରୋଇ ରାଜନୀତିରେ ଜିନପିଙ୍ଗ ଏବଂ ତାଙ୍କ ସ୍ତ୍ରୀ ପେଙ୍ଗ ଲିୟୁଆନ୍ଙ୍କୁ ଆଦର୍ଶ ଦମ୍ପତି ବୋଲି କୁହାଯାଏ। ନିଜର ଫ୍ୟାଶନ ସେନ୍ସ ଏବଂ ଅନ୍ୟାନ୍ୟ କାରଣକୁ ନେଇ ଚାଇନାର ପ୍ରଥମ ମହିଳା ଲିୟୁଆନ୍ ଚର୍ଚ୍ଚାରେ ରହିଥାନ୍ତି।
ଲିୟୁଆନ୍ ଜଣେ ଲୋକଗାୟିକା। ୧୯୮୨ରେ ନୂତନ ବର୍ଷ ଉପଲକ୍ଷେ ସେ ‘ଅନ୍ ଦ ପ୍ଲେସ୍ ଅଫ୍ ହୋପ୍’ ଥିମ୍ର ଏକ ଗୀତ ଗାଇଥିଲେ। ସେତେବେଳେ ଏହା ବେଶ ଲୋକପ୍ରିୟ ହୋଇଥିଲା। ଜିନ୍ପିଙ୍ଗ ମଧ୍ୟରେ ଏଥିରେ ପ୍ରଭାବିତ ହୋଇଥିଲେ।
୧୯୮୦ରେ ଏକ ବନ୍ଧୁଙ୍କ ଯୋଗୁ ଲିୟୁଆନ୍ ଏବଂ ଜିନ୍ପିଙ୍ଗ ପରସ୍ପରକୁ ଭେଟିଥିଲେ। ପ୍ରଥମ ଦେଖାରେ ଲିୟୁଆନ୍ଙ୍କୁ ଜିନ୍ପିଙ୍ଗ ପସନ୍ଦ ଆସି ନ ଥିଲେ। ହେଲେ ଜିନ୍ପିଙ୍ଗଙ୍କ ସହ ଓଲଟା ହୋଇଥିଲା। ସେ ମାତ୍ର ୪୦ ମିନିଟ ମଧ୍ୟରେ ତାଙ୍କୁ ନିଜର କରିବାର ନିଷ୍ପତ୍ତି ନେଇ ସାରିଥିଲେ। ସେ ଏତେ ଦିନରୁ ଯାହା ଖୋଜୁଥିଲେ ତାଙ୍କୁ ମିଳିଗଲା ବୋଲି ଭାବିଥିଲେ। ୧୯୮୭ରେ ଉଭୟ ବିବାହ କରିଥିଲେ। ୧୯୯୨ରେ ତାଙ୍କର ଝିଅ ଶି ମିଙ୍ଗଜ୍ ଜନ୍ମ ନେଇଥିଲେ।
ତେବେ ଲିୟୁଆନ୍ଙ୍କୁ ଦ୍ୱିତୀୟ ବିବାହ କରିଥିଲେ ଜିନ୍ପିଙ୍ଗ। ପୂର୍ବରୁ ସେ ତାଙ୍କର ପ୍ରଥମ ସ୍ତ୍ରୀଙ୍କଠାରୁ ଛାଡ଼ପତ୍ର ଦେଇଥିଲେ। ହେଲେ ଏବେ ଲିୟୁଆନ୍ ଜିନ୍ପିଙ୍ଗଙ୍କୁ ବିବାହ କରି ବିଶ୍ୱର ପ୍ରଭାବଶାଳୀ ମହିଳା ପାଲଟିଛନ୍ତି।