ବେଜିଂ,୨୮।୧୧: ପୂର୍ବ ଲଦାଖର ଏଲ୍ଏସିରେ ଭାରତ ଚାଇନା ମଧ୍ୟରେ ଉତ୍ତେଜନା ବଢ଼ିବାରେ ଲାଗିଛି। ଏପରିସ୍ଥଳେ ଚାଇନା ରାଷ୍ଟ୍ରପତି ଶି ଜିନ୍ପିଙ୍ଗ୍ ଦେଶର ସୈନ୍ୟ ବାହିନୀଙ୍କ ଉଦ୍ଦେଶ୍ୟରେ ଦେଇଥିବା ମନ୍ତବ୍ୟ ଏବେ ସୋସିଆଲ୍ ମିଡ଼ିଆରେ ଭାଇରାଲ ହେବାରେ ଲାଗିଛି। ଜିନ୍ପିଙ୍ଗ୍ ସୈନ୍ୟ ବାହିନୀଙ୍କୁ ମୃତ୍ୟୁକୁ ଭୟ ନ କରିବାକୁ ପରାମର୍ଶ ଦେଇଛନ୍ତି। ଯୁଦ୍ଧରେ କିଭଳି ବିଜୟ ଲାଭ ହେବ ତାହା ଉପରେ ଲକ୍ଷ୍ୟ ଧାର୍ଯ୍ୟ କରିବାକୁ ଜିନ୍ପିଙ୍ଗ୍ କହିଛନ୍ତି। ସେଥିପାଇଁ ତାଲିମ୍ ଉପରେ ସେ ଗୁରୁତ୍ୱ ଦେଇଛନ୍ତି। ଜିନ୍ପିଙ୍ଗ୍ ଏଭଳି ମନ୍ତବ୍ୟ ନେଇ ଏବେ ଅନ୍ତର୍ଜାତୀୟସ୍ତରରେ ଚିନ୍ତା ବଢ଼ିବାରେ ଲାଗିଛି। ଜିନ୍ପିଙ୍ଗ୍ଙ୍କ ବିବାଦୀୟ ମନ୍ତବ୍ୟ ଏବଂ ଚାଇନା ସାଗରରେ ବଢୁଥିବା ଉତ୍ତେଜନା ଯୋଗୁ ଆମେରିକା, ଅଷ୍ଟ୍ରେଲିଆ ସହିତ ଭାରତ ପକ୍ଷରୁ ମଧ୍ୟ ଉଦ୍ବେଗ ପ୍ରକାଶ ପାଇଛି।