ଇସଲମାବାଦ,୪ା୧୦: ଆର୍ଥିକ ସଙ୍କଟ ଦେଇ ଗତି କରୁଥିବା ପାକିସ୍ତାନକୁ ଚାଇନା ଏକ ବଡ଼ ଝଟ୍କା ଦେଇଛି। ପାକିସ୍ତାନର ରାଜନୈତିକ ଅସ୍ଥିରତା ଏବଂ ନିରାପତ୍ତାକୁ ଦର୍ଶାଇ ଚାଇନା ନୂତନ ବେଲ୍ଟ ଏବଂ ରୋଡ୍ ପ୍ରକଳ୍ପକୁ ପ୍ରତ୍ୟାଖ୍ୟାନ କରିଛି।
ଏକ ରିପୋର୍ଟ ଅନୁଯାୟୀ, ଚାଇନା ପାକିସ୍ତାନର ସୁରକ୍ଷା ସ୍ଥିତି ଏବଂ ରାଜନୈତିକ ଅସ୍ଥିରତାକୁ ନୂତନ ବେଲ୍ଟ ଏବଂ ରୋଡ୍ ପ୍ରକଳ୍ପକୁ ପ୍ରତ୍ୟାଖ୍ୟାନ କରିବାର କାରଣ ବୋଲି କହିଛି। ଚାଇନାରେ ପୁଞ୍ଜି ବିନିଯୋଗ ପାଇଁ ପାକିସ୍ତାନ ଆବେଦନ କରିଛି। ତେବେ ଚାଇନା ପାକିସ୍ତାନର ଏହି ଆବେଦନକୁ ପ୍ରତ୍ୟାଖ୍ୟାନ କରିଛି।
ଚାଇନା-ପାକିସ୍ତାନ ଅର୍ଥନୈତିକ କରିଡର (ସିପିଇସି) ଅଧୀନରେ ଶକ୍ତି, ଜଳବାୟୁ ପରିବର୍ତ୍ତନ, ବିଦ୍ୟୁତ୍ ପରିବହନ ଲାଇନ ଏବଂ ପର୍ଯ୍ୟଟନ ସହ ଜଡ଼ିତ ଅଧିକ ପ୍ରକଳ୍ପ ଯୋଡ଼ିବାକୁ ପାକିସ୍ତାନର ପ୍ରସ୍ତାବକୁ ଚାଇନା ପ୍ରତ୍ୟାଖ୍ୟାନ କରିଛି। ରିପୋର୍ଟରେ କୁହାଯାଇଛି, ଚାଇନା ଭିତ୍ତିଭୂମି ବିନିଯୋଗର ହବ୍ ଦକ୍ଷିଣ ବନ୍ଦର ଗ୍ବାଦର ବନ୍ଦର ଅଞ୍ଚଳକୁ କରାଚିରୁ ଜାତୀୟ ବିଦ୍ୟୁତ୍ ଗ୍ରୀଡ୍ ସହିତ ସଂଯୋଗ କରିବା ପାଇଁ ୫୦୦ କିଲୋମିଟର ଟ୍ରାନ୍ସମିଶନ ଲାଇନ ନିର୍ମାଣ ପାଇଁ ଚାଇନା ପାକିସ୍ତାନର ପ୍ରସ୍ତାବକୁ ପ୍ରତ୍ୟାଖ୍ୟାନ କରିଛି।
