ବ୍ରାସିଲିଆ,୨୧।୮: ଭାରତର ବୈଦେଶିକ ବ୍ୟାପାର ମନ୍ତ୍ରୀ ଏସ. ଜୟଶଙ୍କର ରବିବାର ବ୍ରାଜିଲରେ ଚାଇନାକୁ ନେଇ ଏକ ଏକ ବଡ଼ ମନ୍ତବ୍ୟ ଦେଇଛନ୍ତି। ସେ କହିଛନ୍ତି, ଭାରତ-ଚାଇନା ମଧ୍ୟରେ ଅଶାନ୍ତ ସମ୍ପର୍କ ଏକ ଲୁକ୍କାୟିତ ଜିନିଷ ନୁହେଁ। ଆମେ ବହୁତ କଠିନ ପର୍ଯ୍ୟାୟ ଦେଇ ଗତି କରୁଛୁ। ୯୦ ଦଶକରେ ଚାଇନା ସହିତ ଆମର ଚୁକ୍ତିନାମା ହୋଇଥିଲା। ଚୁକ୍ତି ଅନୁଯାୟୀ, ଆମ ମଧ୍ୟରୁ କେହି ମଧ୍ୟ ପ୍ରତିବନ୍ଧକ ଅଞ୍ଚଳରେ ସୈନ୍ୟ ନିୟୋଜିତ କରିବେ ନାହିଁ। ଚାଇନା ଏହାକୁ ଅଣଦେଖା କରିଛି। ଏହି କାରଣରୁ ଆମର ସମ୍ପର୍କ ଅଶାନ୍ତ ହୋଇପଡିଛି। ସମ୍ପର୍କ ଦ୍ୱିପାକ୍ଷିକ ଅଟେ। କୌଣସି ସ୍ଥାୟୀ ସମ୍ପର୍କ ଏକପାଖିଆ ହୋଇପାରିବ ନାହିଁ। ଏହାକୁ ବଜାୟ ରଖିବା ପାଇଁ ପାରସ୍ପରିକ ସମ୍ମାନ ରହିବା ଆବଶ୍ୟକ। ସେମାନେ ଆମର ପଡ଼ୋଶୀ। ସମସ୍ତେ ନିଜ ପଡ଼ୋଶୀ ସହିତ ସୁସମ୍ପର୍କରେ ରହିବାକୁ ଚାହାଁନ୍ତି। କିନ୍ତୁ ସମସ୍ତେ ନ୍ୟାୟପୂର୍ଣ୍ଣ ଭାବରେ ଏକତ୍ର ଆଗକୁ ବଢିପାରିବେ।
ସାଓ ପାଉଲୋରେ ଜୟଶଙ୍କର ଆହୁରି ମଧ୍ୟ କହିଛନ୍ତି, ଆମେ ସ୍ବାଧୀନତାର ଅମୃତ ମହୋତ୍ସବ ପାଳନ କରୁଛୁ ଏବଂ ଦେଶରେ ମନୋବଳ ଅତ୍ୟନ୍ତ ଆଶାବାଦୀ। ୟୁକ୍ରେନ-ରୁଷିଆ ବିବାଦ ସମୟରେ ଆମେ ଏକ ସଂଗଠିତ ପ୍ରୟାସ ମାଧ୍ୟମରେ ବହୁ ସଂଖ୍ୟକ ଲୋକଙ୍କୁ ସ୍ଥାନାନ୍ତର କରିଥିଲୁ।
ଜୟଶଙ୍କର ତାଙ୍କର ତିନି ଦେଶ ଗସ୍ତର ପ୍ରଥମ ଚରଣରେ ବ୍ରାଜିଲର ସାଓ ପାଉଲୋରେ ଭାରତୀୟ ସମୁଦାୟଙ୍କୁ ଭେଟିଥିଲେ। ଏଠାରୁ ସେ ପାରାଗୁଏ ଏବଂ ଆର୍ଜେଣ୍ଟିନା ମଧ୍ୟ ଯିବେ।