ବେଜିଂ/ଇସଲାମାବାଦ,୫।୧୦ : ମିଡିଆ ଉପରେ ନିଜର ନିୟନ୍ତ୍ରଣ ରଖିବା ପାଇଁ ଚାଇନା ଅନ୍ତର୍ଜାତୀୟ ଅଭିଯାନର ଏକ ନେଟୱାର୍କ ବିକଶିତ କରିଛି ଏବଂ ପାକିସ୍ତାନୀ ଗଣମାଧ୍ୟମ ଉପରେ ଗୁରୁତ୍ୱପୂର୍ଣ୍ଣ ନିୟନ୍ତ୍ରଣ ହାସଲ କରିବାକୁ ଚେଷ୍ଟା କରୁଛି। ଆମେରିକାର ଏକ ସରକାରୀ ରିପୋର୍ଟରେ ଏହା ପ୍ରକାଶ ପାଇଛି।
ସୂଚନା କ୍ଷେତ୍ରରେ ରୁଷିଆ ସହିତ ଘନିଷ୍ଠ ଭାବରେ କାର୍ଯ୍ୟ କରିବା ବ୍ୟତୀତ ଚାଇନା ପ୍ରତିକୂଳ ଖବରକୁ ପ୍ରତିହତ କରିବା ପାଇଁ ଅନ୍ୟ ଘନିଷ୍ଠ ଅଂଶୀଦାରମାନଙ୍କୁ ନିୟୋଜିତ କରିବାକୁ ଚେଷ୍ଟା କରିଛି ବୋଲି ଗତ ସପ୍ତାହରେ ଏଠାରେ ପ୍ରକାଶିତ ଏକ ରିପୋର୍ଟରେ ସ୍ବରାଷ୍ଟ୍ର ବିଭାଗ କହିଛି। ଏଥିରେ କୁହାଯାଇଛି ସେମାନଙ୍କ ମଧ୍ୟରେ ମୁଖ୍ୟ ହେଉଛି ପାକିସ୍ତାନ।
ଏହି ରିପୋର୍ଟରେ କୁହାଯାଇଛି ଚାଇନା-ପାକିସ୍ତାନ ଅର୍ଥନୈତିକ କରିଡର (ସିପିଇସି) ମିଡିଆ ଫୋରମ ମାଧ୍ୟମରେ ‘ବିଚ୍ଛିନ୍ନତାକୁ ବିରୋଧ କରିବା’ ଉପରେ ବେଜିଂ ପାକିସ୍ତାନ ସହ ସହଯୋଗକୁ ଆହୁରି ସୁଦୃଢ଼ କରିବାକୁ ଚେଷ୍ଟା କରିଛି।
ଏହି ରିପୋର୍ଟରେ କୁହାଯାଇଛି ବେଜିଂ ଏବଂ ଇସଲାମାବାଦ ମିଡିଆ ଫୋରମ ବ୍ୟବହାର କରି ଯାହାକୁ ପ୍ରଚାର ଏବଂ ମନ୍ଦ ଉଦ୍ଦେଶ୍ୟମୂଳକ ସୂଚନା ଭାବରେ ଦେଖୁଛନ୍ତି ଏବଂ ଏକ ସିପିଇସି ରାପିଡ ରେସପନ୍ସ ଇନଫରମେଶନ ନେଟୱାର୍କ ସୃଷ୍ଟି କରିଛନ୍ତି।
