ବେଜିଂ,୩୦ ।୧୧: ଚାଇନା ଓ ଆମେରିକା ମଧ୍ୟରେ ପୁଣିଥରେ ତୁତୁମେମେ ଆରମ୍ଭ ହୋଇଯାଇଛି । ଦୁଇ ଦେଶ ପରସ୍ପର ବିରୋଧରେ ଲଗାତାର ବୟାନବାଜି କରି ଚାଲିଛନ୍ତି । ଏବେ ଭାରତ-ଚାଇନା ସମ୍ପର୍କକୁ ନେଇ ଚାଇନା ଏକପ୍ରକାର ଆମେରିକାକୁ ଚେତାବନୀ ଦେଇଛି । ଚାଇନା କହିଛି ଆମେରିକା ଅଧିକାରୀ ଭାରତ ସହ ଥିବା ତା’ର ସମ୍ପର୍କକୁ ନେଇ ମୁଣ୍ଡ ଖେଳାନ୍ତୁ ନାହିଁ । ପେଣ୍ଟାଗନ ପକ୍ଷରୁ କଂଗ୍ରେସକୁ ପଠାଯାଇଥିବା ଏକ ରିପୋର୍ଟରେ ଏହାର ଚର୍ଚ୍ଚା ବି କରାଯାଇଛି । ଆମେରିକା ପ୍ରତିରକ୍ଷା ବିଭାଗର ମୁଖ୍ୟାଳୟ ପେଣ୍ଟାଗନ ରିପୋର୍ଟରେ ଚାଇନାର ବୟାନକୁ ପ୍ରମୁଖ ସ୍ଥାନ ଦିଆଯାଇଛି । ଏହି ରିପୋର୍ଟରେ କୁହାଯାଇଛି ଚାଇନା ସେନା ଭାରତକୁ ଆମେରିକା ପାଖରୁ ଚିହ୍ନିବାକୁ ରୋକିବାକୁ ଚାହୁଁଛି ଓ ଏଥିପାଇଁ ସେ ସୀମା(ଏଲଏସି)ରେ ଉତ୍ତେଜନା କମ କରିବାକୁ ଯଥା ସାଧ୍ୟ ଚେଷ୍ଟା କରୁଛି । ହେଲେ ଏଥିରେ ଆମେରିକା ପ୍ରବେଶକୁ ସେ ପସନ୍ଦ କରୁନାହିଁ ।