ତାଇପେ/ବେଜିଂ,୯।୪ : ତାଇୱାନର ରାଷ୍ଟ୍ରପତିଙ୍କ ଆମେରିକୀୟ ଗସ୍ତ ଯୋଗୁଁ ଚାଇନା ଏବଂ ତାଇୱାନ ମଧ୍ୟରେ ତିକ୍ତତା ଯଥେଷ୍ଟ ବୃଦ୍ଧି ପାଇଛି। ତାଇୱାନ ଗଣମାଧ୍ୟମ ଦାବି କରିଛି, ତାଇୱାନ ସୀମାରେ ୭୧ ଟି ଚାଇନା ସାମରିକ ବିମାନ ଏବଂ ୯ ଟି ଜାହାଜ ଦେଖାଦେଇଛି। ତାଇୱାନର ଜାତୀୟ ପ୍ରତିରକ୍ଷା ମନ୍ତ୍ରଣାଳୟ କହିଛି ଯେ ୪୫ ବିମାନ ମଧ୍ୟ ତାଇୱାନର ଆକାଶ ସୀମାରେ ପ୍ରବେଶ କରିଛି। ଅନ୍ୟପକ୍ଷରେ ତାଇୱାନରେ ଥିବା ଆମେରିକା ଦୂତାବାସ ରବିବାର ଏକ ବିବୃତ୍ତି ଜାରି କରି କହିଛି, ଆମେରିକା ଚାଇନାର ସମରାଭ୍ୟାସ ଉପରେ ନଜର ରଖିଛି। ଏଥି ସହିତ ଆଞ୍ଚଳିକ ଶାନ୍ତି ପ୍ରତିଷ୍ଠା ପାଇଁ ପର୍ଯ୍ୟାପ୍ତ ସମ୍ବଳ ଏବଂ ସାମର୍ଥ୍ୟ ମହଜୁଦ ଥିବା ଆମେରିକା ନିଶ୍ଚିତ କରିଛି।
ଗଣମାଧ୍ୟମ ରିପୋର୍ଟ ଅନୁଯାୟୀ, ତାଇୱାନର ପ୍ରତିରକ୍ଷା ମନ୍ତ୍ରଣାଳୟ ଦ୍ୱାରା ତାଇୱାନ ସୀମାରେ ଟ୍ରାକ ହୋଇଥିବା ଚାଇନା ଯୁଦ୍ଧ ବିମାନ ମଧ୍ୟରେ ଜେ-୧୦,ଜେ-୧୧ ଏବଂ ଜେ-୧୬ ଅନ୍ତର୍ଭୁକ୍ତ ଥିଲା। ଏହା ବ୍ୟତୀତ ଚାଇନାର ପରିବହନ ବିମାନ, ବୋମା ବିସ୍ଫୋରଣକାରୀ ବିମାନ ଏବଂ ଚେତାବନୀ ବିମାନ ମଧ୍ୟ ଅନ୍ତର୍ଭୁକ୍ତ କରାଯାଇଥିଲା।
