ବେଜିଂ,୧୮।୮ : ତାଇପେଇକୁ ଆମେରିକାର ସାଂସଦମାନେ ଆସିବା ପରଠାରୁ ଚାଇନା ତାଇୱାନକୁ ଧମକ ଦେବା ପାଇଁ ସାମରିକ ଅଭ୍ୟାସକୁ ଜୋରଦାର କରିଛନ୍ତି। ସୋମବାରରୁ ବୁଧବାର ମଧ୍ୟରେ ୨୨ ଟି ଚାଇନା ଯୁଦ୍ଧ ବିମାନ ଏବଂ ପାଞ୍ଚଟି ଯୁଦ୍ଧ ପୋତ ତାଇୱାନ ସୀମାକୁ ଉଲ୍ଲଂଘନ କରିଛି।
ତାଇୱାନ ଟାଇମ୍ସ ଜାତୀୟ ପ୍ରତିରକ୍ଷା ମନ୍ତ୍ରଣାଳୟ ସୂତ୍ରରୁ କହିଛି ଯେ ଏହି ପିଏଲ୍ଏ ଯୁଦ୍ଧବିମାନ ଏବଂ ଜାହାଜ ଚାଇନା ଏବଂ ତାଇୱାନ ମଧ୍ୟରେ ମଧ୍ୟଭାଗ ଅତିକ୍ରମ କରିଛି।
ଏହାପୂର୍ବରୁ, ଆମେରିକାର ନିମ୍ନ ସଦନର ପ୍ରତିନିଧିସଭାର ବାଚସ୍ପତି ନାନସୀ ପେଲୋସିଙ୍କ ତାଇୱାନ ଗସ୍ତ ସମୟରେ ଚାଇନା ଏହି ଅଞ୍ଚଳରେ ୧୦୦ ରୁ ଅଧିକ ଜେଟ ଏବଂ ୨୨ ଟି ଯୁଦ୍ଧ ପୋତ ସହିତ ପ୍ରାୟ ଏକ ସପ୍ତାହ ଧରି ସାମରିକ ଅଭ୍ୟାସ କରିଥିଲା। ଚାଇନା ରାଷ୍ଟ୍ରପତି, ବୈଦେଶିକ ମନ୍ତ୍ରଣାଳୟ ଏବଂ ପିଏଲଏ ବାରମ୍ବାର ଆମେରିକା ଗସ୍ତକୁ ନେଇ ଧମକ ଦେଉଛନ୍ତି। ତାଇୱାନ ମନ୍ତ୍ରଣାଳୟ ଅନୁଯାୟୀ ଚାରିଟି ସୁଖୋଇ ସୁ -୩୦ ଯୁଦ୍ଧ ବିମାନ, ତିନିଟି ଶେଙ୍ଗୟାଙ୍ଗ ଜେ -୧୧ ଜେଟ ଯୁଦ୍ଧବିମାନ, ଦୁଇଟି ଶେଙ୍ଗୟାଙ୍ଗ ଜେ -୧୬ ଜେଟ ଯୁଦ୍ଧ ବିମାନ ଏବଂ ଗୋଟିଏ ଶାନକ୍ସି ଓ୍ବାଇ-୮ ପରିବହନ ବିମାନ ତାଇଓ୍ବାନ ସୀମାରେ ପହଞ୍ଚିଛନ୍ତି।ଅନ୍ତର୍ଭୁକ୍ତ।
ଚାଇନାକୁ ଜବାବ ଦେବାକୁ ତାଇୱାନ ମଧ୍ୟ ସାମରିକ ଅଭ୍ୟାସ ଆରମ୍ଭ କରିଛି। ତାଇୱାନ ସୈନ୍ୟମାନେ ବୁଧବାର ଦକ୍ଷିଣ ପୂର୍ବ କାଉଣ୍ଟି ହୁଲିଏନରେ ସାମରିକ ଅଭ୍ୟାସ କରିଛନ୍ତି। ତାଇୱାନର ପ୍ରତିରକ୍ଷା ମନ୍ତ୍ରଣାଳୟର ମୁଖପାତ୍ର ସନ ଲି-ଫାଙ୍ଗ କହିଛନ୍ତି ଯେ ସେମାନେ ଚାଇନା ଜାହାଜ ଏବଂ ବିମାନ ଉପରେ ନଜର ରଖିବା ପାଇଁ ଯୁଦ୍ଧ ବିମାନ ସିସିଟିଭି ବିମାନ ଏବଂ ଯୁଦ୍ଧ ଜାହାଜ ିତାଇଓ୍ବାନ ସାଗରର ମଧ୍ୟଭାଗକୁ ପଠାଇଛନ୍ତି। ତାଇୱାନ ସୈନ୍ୟବାହିନୀ ତାଇୱାନ ସାଗରର ମଧ୍ୟଭାଗ ଅତିକ୍ରମ କରୁଥିବା ପାଞ୍ଚଟି ଚାଇନା ବିମାନକୁ ଅଟକାଇଥିଲେ। ଚାଇନାର ପ୍ରତ୍ୟେକ ପଦକ୍ଷେପ ଉପରେ ନଜର ରଖିବା ପାଇଁ ଏୟାର ପାଟ୍ରୋଲିଂ ବିମାନ ଏବଂ ଜାହାଜଗୁଡ଼ିକୁ ନିୟୋଜିତ କରାଯାଇଛି। ଏହା ସହିତ ଉପକୂଳ ଭିତ୍ତିକ କ୍ଷେପଣାସ୍ତ୍ର ପ୍ରଣାଳୀ ମଧ୍ୟ ନିୟୋଜିତ କରାଯାଇଛି।
