ବେଜିଂ,୨୨।୨ : ଆମେରିକା ସମେତ ଅନେକ ପାଶ୍ଚାତ୍ୟ ଦେଶ ରୁଷିଆ-ୟୁକ୍ରେନ ଯୁଦ୍ଧକୁ ନେଇ ରାଷ୍ଟ୍ରପତି ଭ୍ଳାଡିମିର ପୁଟିନଙ୍କ ସୈନ୍ୟଙ୍କୁ ଚ୍ୟାଲେଞ୍ଜ କରୁଛନ୍ତି। କିନ୍ତୁ ଚାଇନା ନେଇଥିବା ପଦକ୍ଷେପ ଏହି ସବୁ ଦେଶର ଚିନ୍ତା ବଢ଼ାଇ ଦେଇଛି। ଫେବୃଆରୀ ୨୪ ରେ ଯୁଦ୍ଧକୁ ଏକ ବର୍ଷ ପୂରଣ ହେବ। ଗୋଟିଏ ବର୍ଷ ପୂରଣ ପୂର୍ବରୁ ମଧ୍ୟ ଆମେରିକା ଏହି ଯୁଦ୍ଧରେ ଚାଇନାର ପ୍ରବେଶକୁ ଏକ ବଡ଼ ବିପଦ ବୋଲି ଘୋଷଣା କରିସାରିଛି। ଆମେରିକା କହିଛି ଯେ ଚାଇନା ରୁଷିଆକୁ ଅସ୍ତ୍ରଶସ୍ତ୍ରରେ ସାହାଯ୍ୟ କରିବାକୁ ଯାଉଛି, ଯେଉଁଥିପାଇଁ ପୁଟିନଙ୍କ ସେନା ୟୁକ୍ରେନ ଉପରେ ଅଧିକ ଆକ୍ରମଣାତ୍ମକ ହେବେ।
ଆମେରିକାର ବୈଦେଶିକ ସଚିବ ଆଣ୍ଟୋନି ବ୍ଲିଙ୍କେନ ଚାଇନାକୁ ଦୁଇ ଦେଶର ଯୁଦ୍ଧରେ ଏକ ବିପଦ ବୋଲି କହିଛନ୍ତି।
ଆମେରିକାର ଗୁପ୍ତଚର ଏଜେନ୍ସି ସୂଚନା ଦେଇଛି ଯେ ରୁଷିଆକୁ ଅସ୍ତ୍ରଶସ୍ତ୍ର ଏବଂ ଗୁଳିଗୋଳା ଯୋଗାଇବାକୁ ଚାଇନା ରାଷ୍ଟ୍ରପତି ଶି ଜିନପିଙ୍ଗ ଚିନ୍ତା କରୁଛନ୍ତି। ଯାହା ଆଗାମୀ ସମୟରେ ସଙ୍କଟ ସୃଷ୍ଟି କରିପାରେ। ଆଣ୍ଟୋନି ବ୍ଲିଙ୍କେନ ଆହୁରି ମଧ୍ୟ କହିଛନ୍ତି ଯେ ଚାଇନା ଏବଂ ରୁଷିଆର କାର୍ଯ୍ୟକୁ ମ୍ୟୁ ସମାଲୋଚନା କରୁନାହିଁ କିମ୍ବା ରୁଷିଆ ଉପରେ ୟୁକ୍ରେନର ଆକ୍ରମଣକୁ ଭୁଲ ମନେ କରୁନାହିଁ। ସେ ଚେତାବନୀ ଦେଇଛନ୍ତି ଯେ ଚାଇନାରୁ ଯେକ କୌଣସି ଅସ୍ତ୍ରଶସ୍ତ୍ର ଯୋଗାଣ କେବଳ ପାଶ୍ଚାତ୍ୟ ଦେଶ ପାଇଁ ନୁହେଁ ବରଂ ବିଶ୍ୱର ଅନ୍ୟ ଦେଶ ପାଇଁ ମଧ୍ୟ ସମସ୍ୟା ସୃଷ୍ଟି କରିପାରେ।
ଏନେଇ ଚାଇନା ବୈଦେଶିକ ମନ୍ତ୍ରଣାଳୟ ଆମେରିକାକୁ ମିଥ୍ୟା ତଥ୍ୟ ବିସ୍ତାର କରୁଥିବା ଅଭିଯୋଗ କରିଛି। ବୈଦେଶିକ ମନ୍ତ୍ରଣାଳୟର ମୁଖପାତ୍ର କହିଛନ୍ତି ଯୁଦ୍ଧକ୍ଷେତ୍ରରେ ଅସ୍ତ୍ରଶସ୍ତ୍ର ବିତରଣ କରିବା କାମ ଚାଇନା କରୁ ନାହିଁ, ଏହା ଆମେରିକାର କରୁଛି। ଚାଇନା ଉପରେ ତଦନ୍ତ କରିବାର ଆମେରିକାର କୌଣସି ଅଧିକାର ନାହିଁ।