ଶ୍ରୀନଗର,୩୦।୧୧ : ଜମ୍ମୁ-କଶ୍ମୀରରେ ଏକ ନୂତନ ରଣନୀତି ସହିତ ପାକିସ୍ତାନ ଏହାର ଷଡ଼ଯନ୍ତ୍ର ଜାରି ରଖିଛି। ପାକିସ୍ତାନୀ ସେନା, ଆଇଏସଆଇ ତାଲିମପ୍ରାପ୍ତ ଆତଙ୍କବାଦୀମାନଙ୍କୁ ସୀମା ଦେଇ ଅନୁପ୍ରବେଶ କରାଇବାର ଯୋଜନା ଜୋରଦାର କରିଛି। ସେମାନଙ୍କୁ ଅଧିକ ଅସ୍ତ୍ରଶସ୍ତ୍ର ଦିଆଯାଉଛି ଯାହାଦ୍ୱାରା ସେମାନେ ଦୀର୍ଘ ସମୟ ଧରି ଯୁଦ୍ଧ କରିପାରିବେ ଏବଂ ସେନାକୁ ଲଢ଼େଇରେ ବ୍ୟସ୍ତ ରଖିବେ।
ସଦ୍ୟତମ ମାମଲାରେ ରୋମିଓ ଫୋର୍ସ ଅଫ ସେନା ଏବଂ ଜମ୍ମୁ-କଶ୍ମୀର ପୋଲିସ ମିଳିତ ଭାବେ ପୁଞ୍ଚ ଜିଲାରେ ମିଳିତ ସର୍ଚ୍ଚ ଅପରେଶନ କରିଥିଲେ। ଯୁଦ୍ଧ ପାଇଁ ପ୍ରସ୍ତୁତ ଆତଙ୍କବାଦୀଙ୍କଠାରୁ ୨ଟି ଏକେ ରାଇଫଲ, ୭ ଏକେ ମାଗାଜିନ, ୧ ପିସ୍ତଲ, ୫ ଟି ଚାଇନିଜ ଗ୍ରେନେଡ, ୬୯ ରାଉଣ୍ଡ ୭.୬୨ ମିଲିମିଟର ଗୁଳି ଉଦ୍ଧାର କରାଯାଇଛି। ଅଦ୍ୟାବଧି କେବଳ ଲୁଚି ରହିଥିବା ସ୍ଥାନ କିମ୍ବା ତାଲିମ କେନ୍ଦ୍ରରୁ ଏତେଗୁଡ଼ିଏ ଅସ୍ତ୍ରଶସ୍ତ୍ର ମିଳି ଥିଲା। କିନ୍ତୁ ଜଣେ ଆତଙ୍କବାଦୀଙ୍କ ଲୁଚି ରହିଥିବା ସ୍ଥାନରୁ ଏତେ ସଂଖ୍ୟକ ଅସ୍ତ୍ରଶସ୍ତ୍ର ଉଦ୍ଧାର କରିବା ସେନା ପାଇଁ ଚିନ୍ତାର ବିଷୟ ପାଲଟିଛି।